قومی

PM Narendra Modi’s vision: ’نشہ سے پاک نوجوان، ترقی یافتہ بھارت‘، سی بی ایس ای کے ٹاکاتھون میں پی ایم مودی کے وژن کی گونج

وزیراعظم نریندر مودی کی ’نشہ سے پاک بھارت‘ کی اپیل کو آگے بڑھاتے ہوئے سینٹرل بورڈ آف سکینڈری ایجوکیشن (CBSE) نے ہفتے کے روز ’نشہ مکت یووا فار وکست بھارت‘ کے موضوع پر 45 منٹ کا خصوصی انٹرایکٹو ٹاکاتھون منعقد کیا۔ اس کا مقصد 2047 تک ترقی یافتہ بھارت کی تعمیر کے لیے نوجوانوں کو صحت مند، بیدار اور ذمہ دار شہری بننے کی ترغیب دینا تھا۔ سی بی ایس ای کے مطابق وزیراعظم نریندر مودی نے 2 اگست 2026 کو ملک کو نشے اور منشیات کی لعنت سے پاک کرنے کی اپیل کی تھی۔ اسی وژن کو آگے بڑھاتے ہوئے اس ٹاکاتھون کا انعقاد کیا گیا۔ پروگرام میں ماہرین، اساتذہ اور ملک بھر کے ہزاروں طلبہ سوشل میڈیا کے ذریعے براہِ راست شامل ہوئے۔ اس دوران نشے کے مسئلے، ذہنی صحت اور نشے سے پاک زندگی سے متعلق مختلف سوالات پر کھل کر گفتگو کی گئی۔

طلبہ سے سوشل میڈیا کے ذریعے سوالات طلب کیے گئے

پروگرام سے قبل سی بی ایس ای نے طلبہ سے ایکس، انسٹاگرام اور یوٹیوب پر نشہ سے پاک نوجوان اور سی بی ایس ای ٹاکاتھون ہیش ٹیگ کے ساتھ سوالات طلب کیے تھے۔ پروگرام کے دوران ماہرین نے طلبہ کے سوالات کے براہِ راست جواب دیے۔ ماہرین کے پینل میں نئی دہلی کے ایمس کے شعبۂ نفسیات کے پروفیسر ڈاکٹر نند کمار، میور اسکول نوئیڈا کی پرنسپل الکا اوستھی اور نارکوٹکس کنٹرول بیورو (NCB) کے ایڈیشنل ڈائریکٹر ڈاکٹر انیس سی شامل تھے۔

اسکول کے طلبہ نے کیا پروگرام کی میزبانی

پروگرام کی میزبانی پی ایم شری کیندریہ ودیالیہ، سیکٹر-4 آر کے پورم کی جماعت 12 کی طالبہ سامیہ اور پی ایم شری کیندریہ ودیالیہ نمبر 3، دہلی کینٹ کے جماعت 12 کے طالب علم روہت سنگھ نے کی۔ پروگرام کے تکنیکی اور نشریاتی تعاون کی ذمہ داری دوردرشن نیوز (DD News) نے سنبھالی۔

ٹاکاتھون کے دوران طلبہ نے ذہنی صحت، ساتھیوں کے دباؤ یعنی Peer Pressure سے نمٹنے، نشے کی لت سے نجات کے طریقوں اور ذمہ دارانہ طرز زندگی اپنانے جیسے موضوعات پر سوالات کیے۔ ماہرین نے ان سوالات کے تفصیلی جواب دیتے ہوئے طلبہ کو بیدار رہنے اور ضرورت پڑنے پر مدد حاصل کرنے کا مشورہ دیا۔

سی بی ایس ای کے مطابق پروگرام کو اس کے آفیشل یوٹیوب چینل پر براہِ راست نشر کیا گیا۔ سوشل میڈیا پر بھی اس مہم کو بھرپور ردعمل ملا اور پروگرام کے دوران #CBSETalkathon بھارت میں نمبر ایک ٹرینڈ بنا رہا۔ بورڈ نے اس پروگرام کو نوجوانوں کے ساتھ براہِ راست رابطہ قائم کرنے کی سمت میں ایک اہم قدم قرار دیا۔

بھارت ایکسپریس اردو۔

Abdul Awwal

Recent Posts

PM Modi Condolence: یوگی آدتیہ ناتھ کو والدہ کے انتقال کا صدمہ، وزیر اعظم مودی نے فون کرکے تعزیت کی

وزیر اعلیٰ یوگی آدتیہ ناتھ کی والدہ ساوتری دیوی کا 91 سال کی عمر میں…

13 minutes ago

Giriraj Singh on PM Modi Bihar Visit: بہار پوروانچل کا گیٹ وے، وزیر اعظم نریندر مودی کی آمد سے ترقی کو ملیں گے نئے پر: گری راج سنگھ

مرکزی وزیر گری راج سنگھ نے وزیر اعظم نریندر مودی کے دورۂ بہار کو ریاست…

16 minutes ago

INDIA bloc on Azam Khan’s Remark: اعظم خان کے ’بریانی‘ والے بیان پر انڈیا اتحاد متحد، اویسی کو آئینہ دکھانے کا دعویٰ

فخر الحسن چاند نے کہا کہ جو لوگ اعظم خان کے ہمدرد ہونے کا دعویٰ…

30 minutes ago

LAKHPATI DIDI: وزیر اعظم نریندر مودی کی پہل سے خواتین کی زندگی میں آئی خوشحالی، کوروا کی خواتین لکھ پتی بن کر رقم کر رہی ہیں تاریخ

چھتیس گڑھ کے ضلع بلرام پور کے پہاڑی کوروا اکثریتی گاؤں پتراپارہ کی 108 خواتین…

33 minutes ago