Drones seen near LOC in Poonch Area: جموں وکشمیرکے پونچھ میں ایل او سی کے پاس دیکھے گئے 6 ڈرون، فوج کا سرچ آپریشن شروع

جموں و کشمیر کے پونچھ میں ایل او سی کے پاس 6 ڈرون دیکھے گئے ہیں۔

سرحد پرپاکستان اپنی حرکتوں سے بازنہیں آرہا ہے۔ جموں وکشمیرکے پونچھ ضلع میں لائن آف کنٹرول (ایل اوسی) کے پاس کئی پیشگی علاقوں میں پاکستان سے آئے کم ازکم 6 ڈرون منڈلاتے ہوئے دیکھے گئے ہیں۔ اس کے بعد سیکورٹی اہلکاروں نے تلاشی مہم شروع کردی ہے۔ افسران نے پیرکے روزیہ جانکاری دی۔

کافی اونچائی پراڑ رہے تھے ڈرون

فوج کے افسران نے بتایا کہ اتوارکی رات 9:15 بجے منڈھیرسیکٹرکے بالاکوٹ، لانگوٹے اورگرسائی نالے کے اوپرسرحد پارسے ڈرون کی سرگرمی دیکھی گئی۔ انہوں نے کہا کہ ایسا خدشہ ہے کہ یہ ڈرون نگرانی کے لئے چھوڑے گئے۔ یہ کافی اونچائی پراڑتے ہوئے دیکھے گئے اورپانچ منٹ کے اندرہی پاکستانی سرحد میں واپس لوٹ گئے۔

علاقے کی گھیرا بندی کی گئی

تاہم حکام نے بتایا کہ علاقے کوگھیرے میں لے لیا گیا ہے۔ جیسے ہی صبح ہوئی، ان علاقوں میں تلاشی شروع کی گئی جہاں ڈرون کی سرگرمی دیکھی گئی تھی تاکہ اس بات کو یقینی بنایا جا سکے کہ ان کے ذریعے کوئی ہتھیاریا منشیات نہیں گرائی گئی۔

کیا ڈرون منشیات گرانے آئے تھے؟

گزشتہ کچھ سالوں میں پاکستان کے ذریعہ ہتھیار یا منشیات (ڈرگس) گرانے کے لئے ڈرون کا استعمال سیکورٹی ایجنسیوں کے لئے ایک بڑا چیلنج بن کرابھرا ہے۔ اسی سلسلے میں پولیس نے گزشتہ سال فروری میں ڈرون دیکھے جانے کی اطلاع دینے والے کو تین لاکھ روپئے کا انعام دینے کا اعلان کیا تھا۔

بھارت ایکسپریس اردو-

Nisar Ahmad