Ambedkar’s Vision: Social Reform, Political Thought, and Economic Ideas: ڈاکٹر امبیڈکر کی فکر اور مودی حکومت کا طرز حکمرانی، مہاپری نروان دیوس پر بابا صاحب کے نظریات کو پیش کی خراج عقیدت

 ڈاکٹر بی آر امبیڈکر کے 70ویں مہاپری نروان دیوس کے موقع پر ان کے نظریات اور وزیراعظم نریندر مودی کے طرز حکمرانی کے درمیان مماثلت ایک بار پھر نمایاں ہو گئی ہے۔ ڈاکٹر امبیڈکر کے سماجی انصاف، مساوات اور انسانی وقار کے اصول آج بھی بھارت کی ترقی کے ستون ہیں، جب کہ وزیراعظم مودی کا نعرہ ’’سب کا ساتھ، سب کا وکاس، سب کا وشواس، سب کا پریاس‘‘ اسی جمہوری روح کو آگے بڑھاتا ہے۔ مودی متعدد بار یہ کہہ چکے ہیں کہ گزشتہ دس برسوں میں تقریباً 25 کروڑ افراد غربت سے باہر آئے—جو باباصاحب کے اس خواب کے مطابق ہے، جس میں آئینی حقوق حقیقی زندگی میں بہتری کا باعث بنیں۔

گجرات میں بطور وزیر اعلیٰ اقدامات

وزیراعظم بننے سے قبل بطور وزیراعلیٰ گجرات نریندر مودی نے امبیڈکر کے پیغام کو عملی اقدامات کے ذریعے مضبوط کیا۔ سماجی انصاف اور ایمپاورمنٹ ڈپارٹمنٹ کے تحت تعلیم، رہائش، صفائی اور معاشی توانائی کے لیے سو سے زائد فلاحی اسکیمیں شروع کی گئیں۔ انہوں نے امبیڈکر بھون کی بنیاد رکھی، باباساحب کے مجسمے نصب کیے، اور سمودھان یاترا کا آغاز کیا تاکہ آئینی شعور کو نچلی سطح تک پہنچایا جا سکے۔ 2007 میں امبیڈکر جینتی کے موقع پر سوچھ گجرات مہا ابھیان شروع کیا گیا، جو صفائی اور شہری ذمہ داری کو امبیڈکر کے اقدار سے جوڑتا ہے۔

وزیراعظم کے طور پر امبیڈکر کی عالمی شناخت کو مضبوط کیا

مرکزی قیادت سنبھالنے کے بعد مودی نے ڈاکٹر امبیڈکر کی زندگی اور افکار کو قومی اور عالمی سطح پر اجاگر کرنے کے بڑے اقدامات کیے۔ پنچ تیرتھ کی تشکیل کے ذریعے باباساحب سے جڑے پانچ اہم مقامات—جنم، تعلیم، مذہبی شناخت، مہاپری نروان اور انتیم سنسکار—کو ایک یادگاری سفر میں تبدیل کیا گیا۔ لندن اور دہلی میں امبیڈکر میموریل قائم ہوئے، جب کہ ڈاکٹر امبیڈکر انٹرنیشنل سینٹر برائے سماجی و معاشی تبدیلی نے ان کے کام کو عالمی سطح پر نمایاں کیا۔ 2015 میں یوم آئین کا باضابطہ اعلان باباساحب کے نظریات کے احترام کو نئی بلندی پر لے گیا۔

باباساحب بطور ماہرِ معاشیات — مودی کی ترجیحات میں شامل

نریندر مودی نے بابا صاحب  ڈاکٹر امبیڈکر کو بھارت کے صف اول کے ماہرینِ معاشیات میں شمار کیا ہے۔ 2015 کی دلت انٹرپرینیورز کانفرنس میں انہوں نے امبیڈکر کی معاشی فکر کو موجودہ چیلنجز کے لیے رہنما قرار دیا۔ اسی سوچ کے تحت ASIIM (2020) کے ذریعے دلت نوجوانوں میں اختراع کو فروغ دیا جا رہا ہے، جب کہ PM AJAY (2021) ایس سی برادری میں سماجی و اقتصادی معیار بہتر بنانے کے لیے قائم ہوا۔ 127ویں آئینی ترمیم کے ذریعے او بی سی کی درجہ بندی کا اختیار دوبارہ ریاستوں کو دیا گیا، جبکہ آرٹیکل 370 کی منسوخی سے جموں و کشمیر میں محروم طبقات کے لیے مساوی مواقع کی راہ ہموار ہوئی۔

ترقیاتی اقدامات، تاریخی ورثے کے تحفظ اور سماجی شمولیت کے ذریعے باباساحب امبیڈکر کا نظریہ آج بھی حکمرانی میں زندہ ہے۔ وزیراعظم نریندر مودی کی قیادت نے ان کے اصولوں کو صرف تاریخ تک محدود نہیں رہنے دیا، بلکہ بھارت کے سماجی و معاشی مستقبل کا حصہ بنا دیا ہے۔

بھارت ایکسپریس اردو