بنگلورو: کانگریس ہائی کمان نے پیر کے روز وزیراعلیٰ ڈی کے شیوکمار کی قیادت والی کرناٹک کابینہ میں توسیع کی منظوری دے دی۔ نئی کابینہ میں 20 وزراء شامل ہوں گے، جن میں 12 نئے چہروں کو پہلی بار موقع دیا گیا ہے، جبکہ 8 موجودہ وزراء کو برقرار رکھا گیا ہے۔ گائتری شانتے گوڑا کابینہ کی واحد خاتون وزیر ہوں گی۔
20 وزراء کے ناموں کی منظوری
کانگریس صدر ملکارجن کھرگے نے جن رہنماؤں کو وزیر بنانے کی منظوری دی ہے، ان میں پی ایم نریندراسوامی، شیوراج تنگڈگی، رودرپا لمانی، کے ایس باسونتھپا، بی ناگیندر، ٹی رگھومورتی، بی زیڈ ضمیر احمد خان، رضوان ارشد، سنتوش لاڈ، مدھو بنگارپا، پتورنگاشیٹی، منکالا ویدیا، اجے سنگھ، این چلوورایا سوامی، کے ایم شوالنگے گوڑا، ایچ سی بالاکرشنا، گائتری شانتے گوڑا، بسوراج رائریڈی، وجیانند کاشپناور اور لکشمن ساودی شامل ہیں۔
آج شام ہوگی حلف برداری
سرکاری اعلامیے کے مطابق کابینہ میں توسیع کی حلف برداری کی تقریب آج شام 4:05 بجے بنگلورو کے لوک بھون میں منعقد ہوگی۔ کانگریس ہائی کمان نے کرناٹک مقننہ کے اہم عہدوں کے لیے بھی ناموں کی منظوری دی ہے۔ جی ایس پاٹل کو اسمبلی اسپیکر، اے ایس پوننا کو ڈپٹی اسپیکر، سلیم احمد کو قانون ساز کونسل کا چیئرمین اور اوماشری کو ڈپٹی چیئرپرسن مقرر کرنے کی منظوری دی گئی ہے۔
پریانک کھڑگے کا بیان
اس سے قبل کرناٹک کے وزیر پریانک کھرگے نے کہا تھا کہ کابینہ میں توسیع سے متعلق حتمی فیصلہ کانگریس ہائی کمان کو کرنا ہے۔ ان کا کہنا تھا کہ پارٹی کے پاس 140 سے زائد اراکین اسمبلی اور ہر ضلع و ہر طبقے سے قابل رہنما موجود ہیں، اس لیے صرف 30 افراد کا انتخاب کرنا آسان نہیں تھا۔ ڈی کے شیوکمار کی قیادت والی موجودہ حکومت قیادت میں تبدیلی کے بعد تشکیل دی گئی تھی، جس میں جی پرمیشورا، کے ایچ منی اپّا، کے جے جارج، ایم بی پاٹل، رام لنگا ریڈی، ستیش جارکی ہولی، کرشنا بائرے گوڑا، پریانک کھڑگے، ایشورا کھنڈرے، ڈاکٹر یتیندر سدارامیا، بیراتھی سریش اور شرن پرکاش پاٹل سمیت کئی سینئر رہنما شامل ہیں۔
بھارت ایکسپریس اردو۔
بہار کے ضلع ویشالی میں راگھوپور کے قریب کشتی بے قابو ہو کر الٹ گئی۔…
کیشوپور، جنک پوری، روہنی، سونیا وہار اور منگول پوری سمیت کئی علاقوں میں خفیہ کیمرے…
دہلی پولیس نے جنتر منتر کے علاقے میں بغیر اجازت داخل ہونے کے الزام میں…
تجارت، توانائی، ٹیکنالوجی، سلامتی اور عوامی روابط سمیت اہم شعبوں میں ٹھوس نتائج حاصل کرنے…
وزیر اعظم نریندر مودی کے خلاف مبینہ ’چوکیدار چور ہے‘ تبصرے سے متعلق فوجداری ہتک…
رشی سونک نے سوشل میڈیا پر لکھا ہے کہ وزیر اعظم نریندر مودی، آج نئی…