Kailash Gahlot Resigns: کیلاش گہلوت کو کانگریس میں کریں گے شامل؟ دیویندر یادو نے دیا بڑا بیان

Kailash Gahlot Resigns: دہلی اسمبلی انتخابات سے پہلے دہلی حکومت کے وزیر کیلاش گہلوت نے عام آدمی پارٹی سے استعفیٰ دے دیا ہے۔ اس کے بعد سے قیاس آرائیاں شروع ہوگئیں کہ وہ کس پارٹی میں شامل ہوں گے۔ ادھر دہلی کانگریس کے صدر دیویندر یادو نے بڑا بیان دیا ہے۔

کانگریس کے ریاستی صدر دیویندر یادو نے کہا، ایسے بدعنوان کی کانگریس میں کوئی جگہ نہیں ہے۔ عام آدمی پارٹی کرپٹ لوگوں کی پارٹی ہے۔ جب بھی وہاں بدعنوانی کے خلاف کارروائی ہوتی ہے تو لوگ یا تو جیل جاتے ہیں یا پارٹی چھوڑ کر بی جے پی میں شامل ہوجاتے ہیں۔ ہماری پارٹی میں کرپٹ لوگوں کے لیے کوئی جگہ نہیں۔

‘عآپ کرپشن میں ملوث ہے’

ریاستی کانگریس کے صدر دیویندر یادو نے کیلاش گہلوت سے متعلق سوال پر کیجریوال کی خاموشی پر سوال اٹھاتے ہوئے کہا کہ کیجریوال کی خاموشی سے ظاہر ہوتا ہے کہ وہ خود اور ان کی پارٹی کے لیڈر بدعنوانی میں ملوث ہیں۔ وہ کیلاش گہلوت کے خلاف کھل کر بات نہیں کرنا چاہتے، ممکن ہے کوئی راز چھپا ہوا ہو اور اسے دبانے کی کوشش کی جا رہی ہو۔

‘پارٹی میں کوئی جگہ نہیں’

تاہم، جب ان سے پوچھا گیا کہ کیا کیلاش گہلوت کے استعفیٰ کے بعد کانگریس کے دروازے کیلاش گہلوت کے لیے کھلیں گے، تو انھوں نے جواب دیا کہ وقت آنے پر ہم تمام پہلوؤں کو دیکھیں گے۔ لیکن دہلی پردیش کانگریس صدر نے یہ ضرور کہا کہ اگر یہ ثابت ہو جاتا ہے کہ وہ بدعنوان ہیں تو ہماری پارٹی میں ان کے لیے کوئی جگہ نہیں ہے۔

یہ بھی پڑھیں- Fitistan Ek Fit Bharat: پونے میں ایس بی آئی سی ایم ای سولڈیراتھون نے زخمی فوجیوں کے لیے 35 لاکھ روپے اکٹھے کیے اور فوجی ورثے کا منایا جشن

کیلاش گہلوت نے لہرایا تھا ترنگا

قابل ذکر ہے کہ کیلاش گہلوت دہلی حکومت میں ٹرانسپورٹ کے وزیر تھے اور جب دہلی کے وزیر اعلی اروند کیجریوال اور سابق نائب وزیر اعلی منیش سسودیا سلاخوں کے پیچھے تھے اور آتشی دہلی حکومت میں وزیر تھیں، کیلاش گہلوت کو15 اگست کو پرچم لہرانے کی ذمہ داری ملی تھی۔

یعنی کیلاش گہلوت کا قد عام آدمی پارٹی حکومت میں سب سے سینئر وزیر کا تھا۔ لیکن جب کیجریوال جیل سے باہر آئے تو انہوں نے اپنے عہدے سے استعفیٰ دے دیا اور دہلی کے وزیر اعلیٰ کے عہدے کی ذمہ داری آتشی کو سونپ دی۔ آتشی کی کابینہ میں بھی کیلاش گہلوت کے پاس ٹرانسپورٹ کے وزیر کی ذمہ داری برقرار رہی۔ لیکن اب کیلاش گہلوت نے نہ صرف وزیر ٹرانسپورٹ کے عہدے سے بلکہ عام آدمی پارٹی کی بنیادی رکنیت سے بھی استعفیٰ دے دیا ہے۔

-بھارت ایکسپریس