Delhi-NCR Weather Updates: دہلی-این سی آر میں غضب کا موسم، شام 5 بجے چھا گیا اندھیرا، پھرہوئی بارش اور30 منٹ بعد نکل آئی دھوپ

محکمہ موسمیات کے مطابق، اگلے پانچ دنوں تک درجہ حرارت میں ایک یا دوڈگری سیلسیس کی گراوٹ دیکھنے کومل سکتی ہے۔ 18 مئی کو بارش کا تواندازہ نہیں ہے، لیکن سطح پر چلنے والی تیز ہواؤں سے درجہ حرارت میں کمی آئے گی۔ 18 مئی کو دہلی کی زیادہ سے زیادہ درجہ حرارت 41 ڈگری سیلسیس اورکم ازکم درجہ حرارت 29 ڈگری سیلسیس رہنے کا اندازہ ہے۔ 19 مئی اور20 مئی کوبھی زیادہ سے زیادہ درجہ حرارت میں ایک ڈگری سیلسیس گراوٹ دیکھنے کومل سکتی ہے۔

ان علاقوں میں چھائے بادل، لیکن نہیں ہوئی بارش

ایک طرف مغربی دہلی کے کچھ علاقوں میں بھاری بارش ہوئی تو وہیں این سی آرکے کئی علاقے ایسے رہے، جہاں ایک بوند بھی نہیں گری۔ نوئیڈا کے اوکھلا برڈ سنچری، بوٹینیکل گارڈن، سیکٹر-37، سیکٹر-18 اور سیکٹر-52 میں بادل چھائے رہے، لیکن ان علاقوں میں بارش نہیں ہوئی۔ سینٹرل پولیوشن کنٹرول بورڈ (سی پی سی بی) کے حکام کے مطابق، دہلی کا ایئرکوالٹی انڈیکس (اے کیوآئی) جمعہ کی صبح 9 بجے 297 ریکارڈ کیا گیا، جو ہوا کے خراب معیارکی نشاندہی کرتا ہے۔ سی پی سی بی کے مطابق، صفرسے 50 کے درمیان اے کیوآئی کوبہتر، 51 سے 100 کے درمیان تسلی بخش، 101 سے 200 کے درمیان اعتدال پسند، 201 سے 300 کے درمیان خراب، 301 سے 400 کے درمیان انتہائی خراب اور401 سے 500 کے درمیان شدید خراب سمجھا جاتا ہے۔