دہلی کے نریلا میں خطرناک آتشزدگی میں تین افراد کی موت ہوگئی ہے۔
Delhi Narela Factory Fire News: دہلی کے نریلا انڈسٹریل ایریا علاقے میں ایک دال فیکٹری میں خطرناک آتشزدگی میں تین لوگوں کی جل کردرد ناک موت ہوگئی ہے۔ اس حادثے میں 6 افراد شدید طور پرزخمی ہوئے ہیں۔ شدید طورپرزخمی 6 افراد کو پاس کے اسپتال میں علاج کے لئے داخل کرایا گیا ہے۔
نریلا انڈسٹریل علاقے کی ایک فیکٹری میں آگ کی اطلاع ملتے ہی فائربریگیڈ کی 15 گاڑیاں موقع پر پہنچ گئی ہیں۔ دہلی فائرسروس کے فائربریگیڈ ملازمین نے آگ پرکافی دیرتک مشقت کے بعد قابو پالیا ہے۔ اب آگ کو پوری طرح سے بجھانے کا کام جاری ہے۔
جانچ میں مصروف ہوئی پولیس
دہلی پولیس کا کہنا ہے، “خطرناک آگ کے اس حادثہ میں لاپرواہی سے متعلق آئی پی سی کی کئی دفعات میں معاملہ درج کیا جا رہا ہے۔ ساتھ ہی آگے کی جانچ بھی جاری ہے۔” اس سے پہلے آگ لگتے ہی افراتفری کے درمیان فیکٹری میں کام کررہے ملازمین جان بچانے کے لئے ادھرادھربھاگنے لگے۔ فیکٹری کے ملازمین زورزور سے بچانے کی آواز بھی لگا رہے تھے۔ اس درمیان لوگوں نے فائربریگیڈ کو حادثہ کی اطلاع دی۔ فیکٹری کے چاروں طرف دہشت کا ماحول ہے۔
ایک دن پہلے جاری ہوا تھا یہ حکم
دہلی میں کچھ دنوں سے جاری خطرناک گرمی کے درمیان آگ کے حادثات میں اضافہ ہوا ہے۔ ان حادثات کو دیکھتے ہوئے دہلی حکومت نے سبھی متعلقہ ایجنسیوں سے تحفظ پرزور دینے سے متعلق ایک گائڈ لائن جاری کی تھی۔ دہلی حکومت کی طرف سے جاری احکامات میں ہر قیمت پرفائرسیفٹی کے معیارات پرعمل کرنے کوکہا گیا۔
مدھیہ پردیش میں کابینہ کا حجم 34 وزراء پر مشتمل ہے۔ اس وقت ریاست میں…
گولڈن کے اہل خانہ قتل کی بڑی وجہ زمینی تنازعہ بتا رہے ہیں۔ اہل خانہ…
دراصل مہوا پر سوشل میڈیا سائٹ ایکس پر اپنی پوسٹ میں قومی خواتین کمیشن کی…
چیف جسٹس کا کہنا ہے کہ والدین کے اصرار پر موسیقی سیکھنا شروع کی۔ انہوں…
کھیلوں کی طرح قسمت بھی زندگی میں اہم کردار ادا کرتی ہے۔ دھونی کی اپنے…
یہ واقعہ 29 جون کی سہ پہر پیش آیا۔ ’روبوٹ سپروائزر‘ سٹی کونسل کی عمارت…