Delhi High Court News: دہلی ہائی کورٹ پاپولر فرنٹ آف انڈیا  کی عرضی پر 11 ستمبر کو کرے گی سماعت، عرضی میں ٹریبونل کے حکم کو کیا گیا ہے چیلنج

دہلی ہائی کورٹ پاپولر فرنٹ آف انڈیا (PFI) کی عرضی پر 11 ستمبر کو سماعت کرے گی۔ عرضی میں غیر قانونی سرگرمیاں (روک تھام) ایکٹ (یو اے پی اے) ٹریبونل کے اس حکم کو چیلنج کیا گیا ہے، جس میں مرکزی حکومت کی طرف سے تنظیم پر لگائی گئی پانچ سالہ پابندی کی تصدیق کی گی ہے۔ قائم مقام چیف جسٹس منموہن سنگھ اور جسٹس تشار راؤ گیڈیلا کی بنچ نے کلعدم تنظیم کے وکیل سے کہا کہ وہ یو اے پی اے ٹربیونل کے حکم کی جانچ کرتے ہوئے عدالت کے دائرہ اختیار کی شکل کی وضاحت کرتے ہوئے ایک مختصر نوٹ پیش کریں۔

ایڈیشنل سالیسٹر جنرل چیتن شرما نے کہا کہ عرضی گزار یو اے پی اے ٹریبونل کے حکم کو میرٹ پر چیلنج نہیں کر سکتا۔ کیونکہ اس کی اجازت نہیں ہے۔ یہ فیصلہ تمام متعلقہ مواد پر غور کرنے کے بعد کیا گیا ہے۔ عرضی گزار کے وکیل نے کہا کہ جن حقائق اور شواہد کو مدنظر رکھتے ہوئے ٹربیونل نے حکم دیا وہ قانون کے خلاف ہیں۔ اس کی طرف کوئی توجہ نہیں دی گئی۔

PFI نے UAPA ٹریبونل کے 21 مارچ کے حکم کو چیلنج کیا ہے، جس میں 27 ستمبر 2022 تک اس پر پابندی لگانے کے مرکز کے فیصلے کی تصدیق کی گی ہے۔ مرکز نے آئی ایس آئی ایس جیسی عالمی دہشت گرد تنظیموں کے ساتھ مبینہ روابط اور ملک میں فرقہ وارانہ منافرت پھیلانے کی کوششوں کے لیے پی ایف آئی پر پانچ سال کے لیے پابندی لگائی ہے۔ ستمبر 2022 میں، ملک بھر میں NIA کے چھاپوں اور کارروائیوں میں مبینہ طور پر PFI سے وابستہ 150 سے زیادہ لوگوں کو حراست میں لیا گیا یا گرفتار کیا گیا تھا۔

بھارت ایکسپریس۔