Missing JNU student Najeeb Ahmad Case: جے این یو کے لاپتہ طالب علم نجیب احمد کی والدہ کی عرضی پر سماعت آج، سی بی آئی کی کلوزر رپورٹ کو کیا گیا ہے چیلنج

جواہر لعل نہرو یونیورسٹی (جے این یو) کے لاپتہ طالب علم نجیب احمد کی والدہ نےدہلی  ہائی کورٹ سے رجوع کیا ہے۔ فاطمہ نفیس نے مقدمے میں سی بی آئی کی کلوزر رپورٹ کو قبول کرنے کے ٹرائل کورٹ کے حکم کو چیلنج کیا ہے۔ نجیب احمد کی والدہ نے مزید تحقیقات کا مطالبہ کیا ہے۔اس معاملے پر  دہلی ہائی کورٹ درخواست کی سماعت کرے گی۔

نجیب احمد کیس میں سی بی آئی کی کلوزر رپورٹ

نجیب احمد کیس میں 30 جون کو راؤس ایونیو کورٹ نے سی بی آئی کی کلوزر رپورٹ کو قبول کر لیا تھا۔ راؤس ایونیو کورٹ کے اسی حکم کو ہائی کورٹ میں چیلنج کیا گیا ہے۔ راؤس ایونیو کورٹ نے کہا تھا کہ اگر کیس میں کوئی ثبوت ملے تو اس کی دوبارہ تحقیقات کی جائے گی۔ واضح رہے کہ نجیب احمد کی والدہ فاطمہ نفیس نے سی بی آئی کی کلوزر رپورٹ کو چیلنج کرتے ہوئے ٹرائل کورٹ میں درخواست دائر کی تھی۔ نجیب کی والدہ کی جانب سے دائر درخواست میں کہا گیا ہے کہ اس کیس کی سی بی آئی سے مزید تحقیقات کی ضرورت ہے۔ عرضی میں کہا گیا کہ سی بی آئی نے مناسب جانچ نہیں کی اور کلوزر رپورٹ داخل کر دی۔ درخواست میں سی بی آئی کی کلوزر رپورٹ کے نتیجے کو چیلنج کیا گیا ہے۔ رپورٹ میں کہا گیا ہے کہ نجیب احمد خود ہی غائب ہو گیا تھا۔

سی بی آئی کو تحقیقات بند کرنے کی اجازت

8 اکتوبر 2018 کو ہائی کورٹ نے سی بی آئی کو تحقیقات بند کرنے کی اجازت دے دی۔ اس کے بعد نجیب احمد کی والدہ نے ہائی کورٹ میں عرضی دائر کی جس میں کلوزر رپورٹ سے متعلق دستاویزات طلب کی گئیں۔ ہائی کورٹ نے کہا کہ نجیب کی والدہ ٹرائل کورٹ میں کوئی بھی شکایت درج کر سکتی ہیں۔ اگر وہ تحقیقات سے متعلق اسٹیٹس رپورٹ چاہتی ہے تو وہ عدالت میں درخواست دائر کرسکتی ہے۔ہائی کورٹ کے حکم کے بعد نجیب کی والدہ نے درخواست دائر کی۔ واضح رہے کہ 16 مئی 2017 کو دہلی ہائی کورٹ نے جے این یو کے طالب علم نجیب احمد کی گمشدگی کی سی بی آئی تحقیقات کا حکم دیا تھا۔ اس کے بعد، 29 جون، 2017 کو، سی بی آئی نے نجیب کے ٹھکانے کی معلومات فراہم کرنے والے کے لیے 10 لاکھ روپے کے انعام کا اعلان کیا۔ تاہم اس کا کوئی سراغ نہیں ملا۔ نجیب احمد 15 اکتوبر 2016 سے لاپتہ ہے۔

بھارت ایکسپریس اردو۔