قومی

Delhi High Court on Batla House Demolition: بٹلہ ہاؤس علاقے میں ڈی ڈی اے کی بلڈوزر کارروائی پردہلی ہائی کورٹ نے لگائی پابندی، عدالت سے عرضی گزاروں کو ملی بڑی راحت

نئی دہلی: بٹلہ ہاؤس میں دہلی ڈیولیمپنٹ اتھارٹی (ڈی ڈی اے) کے مجوزہ انہدامی کارروائی معاملے میں دہلی ہائی کورٹ نے ایک درجن سے زیادہ عرضی گزاروں کو بڑی راحت دی ہے۔ ہائی کورٹ نے الگ الگ عرضی گزاروں کی عرضی پر سماعت کرتے ہوئے ڈی ڈی اے کو نوٹس جاری کیا ہے۔ ساتھ ہی مجوزہ انہدامی کارروائی پر روک لگا دی ہے۔ اب 10 جولائی کو ہائی کورٹ سبھی عرضیوں پر ایک ساتھ سماعت کرے گا۔ اس سے پہلے تقریباً 15 عرضی گزاروں کو انہدامی کاررائی سے راحت مل چکی ہے۔

اس سے پہلے پیر کودہلی ڈیولپمنٹ اتھارٹی (ڈی ڈی اے) نے اشوک وہارمیں تجاوزات کے خلاف مہم شروع کی تھی۔ اس میں 300 سے زائد غیر قانونی مکانات کو منہدم کیا گیا۔ یہ کارروائی پولیس اور نیم فوجی دستوں کی تعیناتی کے درمیان شروع کی گئی۔ اس میں ڈی ڈی اے نے جیلروالا باغ سے 308 غیر قانونی مکانات کو ہٹایا تھا۔

یہ ایکشن جھگی-جھونپڑیوں پرہوا

ڈی ڈی اے نے کہا تھا کہ یہ کارروائی ان کچی آبادیوں پرکی گئی ہے جہاں کے مکینوں کو یا تو متبادل فلیٹ مل چکے ہیں یا بحالی پالیسی کے تحت نااہل پائے گئے ہیں۔ جیلروالا باغ میں جے جے کلسٹر کے ایک ہزار78 اہل خاندانوں کوسوابھیمان اپارٹمنٹ میں ون بی ایچ کے فلیٹس میں بھیج دیا گیا ہے۔ دیگر 567 خاندانوں کو نااہل قرار دیا گیا۔ جبکہ دہلی ہائی کورٹ نے تقریباً 250 مکینوں کو حکم امتناعی دیا تھا۔ اس کے علاوہ مزید 9 خاندانوں کو متبادل رہائش فراہم کی گئی۔ پیرکو بلڈوزرکی کارروائی وزیر پور تک جاری رہی۔ عام آدمی پارٹی اس معاملے پر مسلسل بی جے پی پر حملہ کر رہی ہے۔ دہلی کے سابق وزیر اعلی اروند کیجریوال حکومت کی نیتوں پر سوال اٹھا رہے ہیں۔

بی جے پی پرعام آدمی پارٹی نے اٹھایا سوال

عام آدمی پارٹی کے سینئر لیڈر اور راجیہ سبھا رکن سنجے سنگھ نے ایک پوسٹ میں کہا تھا کہ بھارتیہ جنتا پارٹی (بی جے پی) آخر چاہتی کیا ہے؟ کیا یہ دہلی کی تمام کچی بستیوں کو گرانا چاہتی ہے؟ تو کیا وزیر اعظم مودی نے انتخابات کے دوران یہ جھوٹ بولا تھا کہ جہاں کچی بستی ہوگی، وہاں مکان ہوگا۔ منگل کے روز ایک پوسٹ میں سنجے سنگھ نے بھی بھارتیہ جنتا پارٹی پرحملہ کیا ہے۔ سنجے سنگھ نے کہا، بھارتیہ جنتا پارٹی کی چار انجن والی حکومت دہلی میں بہارکے بہن بھائیوں کو پریشان کر رہی ہے۔ یہ ان کے گھروں پربلڈوزرچلا کرانہیں بے گھرکررہی ہے۔ میں بہار کے لوگوں سے کہنا چاہتا ہوں کہ اس بار آپ لوگ اپنے ووٹ کی طاقت سے انہیں اقتدارسے باہرکردیں اور ان کی سستی سیاست پربلڈوزرچلا کران کی سیاست کا خاتمہ کریں۔

بھارت ایکسپریس اردو۔