Delhi Election Results 2025 Live: دہلی میں ووٹوں کی گنتی شروع،ابتدائی رجحانوں میں سانپ سیڑھی کا کھیل جاری

دہلی اسمبلی انتخابات میں ووٹنگ کے بعد آج ووٹوں کی گنتی کا عمل شروع ہوچکا ہے اور ابتدائی رجحانات بھی آنے لگے ہیں ،لیکن شروعات کے ایک گھنٹے تک آنے والے رجحانات کی کوئی خاص اہمیت نہیں ہوتی ،چونکہ یہ ابھی بہت ہی شروعاتی رجحانات ہوتے ہیں ،البتہ 9-10 بجے کے بعد جو رجحانات آتے ہیں انہیں کچھ حد تک ایک پیٹرن کے طور پر تسلیم کیا جانے لگتا ہے ،جبکہ 12 بجے تک جو رجحانات آتے ہیں ،قریب قریب وہی نتائج کی تصویر واضح کرتے ہیں ،حالانکہ الیکشن کمیشن کی طرف سے شام چھ بجے نتائج کا اعلان کیا جاتا ہے ،البتہ دوپہر تک تصویر واضح ہوجاتی ہے کہ کس پارٹی کی حکومت بننے والی ہے۔دہلی میں بھی کچھ ایسا ہی ہونے والا ہے۔

واضح رہے کہ شروعاتی چند منٹوں کے رجحانات میں کبھی بی جے پی اور کبھی عام آدمی پارٹی کا نمبر آگے بڑھ رہا ہے اور سانپ سیڑھی کا کھیل گھنٹوں تک جاری رہے گا۔ واضح رہے کہ آٹھ بجے سب سے پہلے بیلٹ پیپر کی گنتی شروع کی گئی ہے،ابھی ای وی ایم نہیں کھولا گیا ہے۔ دہلی میں قریب 12 ہزار سے زیادہ بیلٹ پیپر پر ووٹ ڈالے گئے ہیں۔ بیلٹ پیپر کی گنتی مکمل ہونے کے بعد ہی ای وی ایم میں قید ووٹوں کی گنتی شروع کی جائے گی۔ فی الحال شروعاتی رجحانوں میں عام آدمی پارٹی اور بی جے پی کے درمیان برابر کا مقابلہ دیکھنے کو مل رہا ہے۔

بھارت ایکسپریس۔