Delhi Election 2025: ’ہم کسی حالت میں… ‘، روہنگیا معاملے پر اروند کیجریوال کا بڑا بیان

Delhi Election 2025: دہلی اسمبلی انتخابات سے پہلے روہنگیا کا مسئلہ زور پکڑتا جا رہا ہے۔ ایک بار پھر عام آدمی پارٹی نے روہنگیا کو لے کر بی جے پی کو نشانہ بنایا ہے۔ AAP کنوینر اور سابق وزیر اعلی اروند کیجریوال نے کہا ہے کہ ہم بی جے پی کو کسی بھی حالت میں روہنگیا کو دہلی میں بسانے کی اجازت نہیں دیں گے۔

سابق سی ایم اروند کیجریوال نے اپنے ایکس ہینڈل پر لکھا، ”ہم بی جے پی کو کسی بھی حال میں روہنگیا کو دہلی میں بسانے کی اجازت نہیں دیں گے۔ بی جے پی کو کسی بھی صورت میں دہلی کے غریبوں کے فلیٹس، روزگار اور سہولیات روہنگیاؤں کو دینے کی اجازت نہیں دی جائے گی۔“

سی ایم آتشی نے بھی بنایا نشانہ

اروند کیجریوال سے پہلے وزیر اعلیٰ آتشی نے روہنگیا کو لے کر بی جے پی کو نشانہ بنایا۔ انہوں نے اپنے ایکس ہینڈل پر لکھا، ”ایک طرف بی جے پی کے لوگ ہیں جو بنگلہ دیش سے سرحد عبور کرواکر روہنگیا کو دہلی لاتے ہیں اور انہیں دہلی والوں کے حصہ کے ای ڈبلیو ایس فلیٹس اور دیگر سہولیات انہیں فراہم کرتے ہیں۔“

یہ بھی پڑھیں- Injured MPs in parliament scuffle discharged from hospital: پارلیمنٹ کے باہر ہنگامہ آرائی میں زخمی بی جے پی ممبران پارلیمنٹ کو اسپتال سے ملی چھٹی،جانئے اب کیسی ہےان کی حالت

نہیں چھیننے دیں گے دہلی والوں کے حقوق

انہوں نے مزید لکھا، ”دوسری طرف عام آدمی پارٹی کی دہلی حکومت ہے جو اس بات کو یقینی بنانے کے لیے ہر ممکن قدم اٹھا رہی ہے کہ روہنگیاؤں کو دہلی کے لوگوں کے حقوق نہ ملیں۔ آج دہلی حکومت کے محکمہ تعلیم نے ایک سخت حکم کہ کسی بھی روہنگیا کو دہلی میں رہنے کی اجازت نہیں دی جائے گی، ہم دہلی کے لوگوں کے حقوق چھیننے نہیں دیں گے۔“

-بھارت ایکسپریس