قومی

Cyclone Akvan: سمندری طوفان اکوان سے 8 ریاستوں میں بارش کا امکان، مہاراشٹر میں بھی اثرات کا خدشہ، شمالی ہندوستان میں دھند کا الرٹ

نئی دہلی : سمندری طوفان ’اکوان‘ کے اثرات کے پیش نظر آئندہ چار ہفتوں کے دوران ملک کی 8 ریاستوں میں بارش ہونے کا امکان ہے۔ محکمہ موسمیات (آئی ایم ڈی) نے اوڈیشہ، مغربی بنگال، جنوبی ہندوستان اور مہاراشٹر کے بعض علاقوں میں بارش کی پیش گوئی کی ہے۔ محکمہ کے مطابق، 19 نومبر سے 17 دسمبر کے درمیان ملک کے مختلف حصوں میں بارش کا سلسلہ جاری رہ سکتا ہے۔دوسری جانب شمالی ہندوستان میں سردی کے ساتھ گھنی دھند کا خطرہ بھی بڑھ گیا ہے۔ خلیج بنگال میں بننے والا سمندری طوفان ’اکوان‘ جمعرات کی رات مزید طاقتور ہو گیا۔ اس کے پیش نظر ساحلی ریاستوں میں احتیاطی اقدامات کیے جا رہے ہیں۔

شمال مغرب کی جانب بڑھ رہا ہے سمندری طوفان

محکمہ موسمیات کے اندازے کے مطابق، یہ طوفان آج (20 نومبر) دوپہر شمالی آندھرا پردیش اور جنوبی اوڈیشہ کے ساحل پر گنجام ضلع کے گوپال پور کے قریب ٹکرا سکتا ہے۔ آئی ایم ڈی کے مطابق، ’اکوان‘ مغربی وسطی خلیج بنگال سے تقریباً 19 کلومیٹر فی گھنٹہ کی رفتار سے شمال مغربی سمت میں آگے بڑھ رہا ہے۔

اڈیشہ کے گوپال پور سے 240 کلومیٹر دور تھا طوفان

جمعرات کی رات 11:30 بجے یہ طوفان آندھرا پردیش کے کلنگ پٹنم سے جنوب مشرق میں 170 کلومیٹر، وشاکھاپٹنم سے مشرق جنوب مشرق میں 200 کلومیٹر اور اوڈیشہ کے گوپال پور سے جنوب میں 240 کلومیٹر دور تھا۔محکمہ موسمیات کے مطابق، ساحل سے ٹکرانے کے وقت طوفان کی رفتار 70 سے 80 کلومیٹر فی گھنٹہ رہنے کا امکان ہے، جب کہ بعض مقامات پر ہوا کی رفتار 90 کلومیٹر فی گھنٹہ تک پہنچ سکتی ہے۔وشاکھاپٹنم کے ساحلی علاقوں میں پہلے ہی 20 سے 30 کلومیٹر فی گھنٹہ کی رفتار سے ہوائیں چل رہی ہیں اور سمندر میں ہلچل بڑھ گئی ہے۔ اگرچہ وشاکھاپٹنم پر طوفان کا براہ راست خطرہ ٹل گیا ہے، تاہم آج شمالی آندھرا پردیش کے مختلف علاقوں میں بارش ہونے کا امکان ہے۔

مہاراشٹر میں بھی طوفان کے اثرات کا خدشہ

آج ’اکوان‘ کے اڈیشہ اور آندھرا پردیش کے ساحل سے ٹکرانے کا خدشہ ظاہر کیا گیا ہے۔ اس کے پیش نظر دونوں ریاستوں میں الرٹ جاری کر دیا گیا ہے۔ طوفان کے اثرات ان دونوں ریاستوں میں نمایاں طور پر دیکھے جا سکتے ہیں، جہاں بعض علاقوں میں شدید بارش ہونے کا امکان ہے۔محکمہ موسمیات کے مطابق، اس سمندری طوفان کا اثر مہاراشٹر کے موسم پر بھی پڑ سکتا ہے۔ ریاست کے کچھ علاقوں میں بارش ہونے کی پیش گوئی کی گئی ہے۔ دوسری جانب شمالی ہندوستان میں سردی اور دھند کی شدت بڑھنے کا امکان ہے، جس کے پیش نظر لوگوں کو احتیاط برتنے کا مشورہ دیا گیا ہے۔

بھارت ایکسپریس اردو

Abu Danish Rehman

Recent Posts

Cold Weather and Fog in Delhi-NCR: دہلی-این سی آر میں سردی کے ساتھ دھند کا راج، آج 2 سے 3 ڈگری تک بڑھ سکتا ہے درجہ حرارت

گزشتہ 24 گھنٹوں کے دوران دہلی کے بعض علاقوں میں صبح کے وقت ہلکی دھند…

55 minutes ago

Delhi Court Issue Notice To Boxer Mary Kom: ہتک عزت کیس میں ساکیت کورٹ نے باکسر میری کوم کو جاری کیا نوٹس، 21 دسمبر کو ہوگی اگلی سماعت

سابق شوہر کرونگ اونلر کی جانب سے دائر فوجداری ہتک عزت کے مقدمے میں عدالت…

10 hours ago

AIIMS Nagpur News: ایمس ناگپور میں ساتویں سائنس کانفرنس اور قومی بایومیڈیکل تحقیقی مقابلے 2026 کا آغاز

تین روزہ کانفرنس میں ملک و بیرون ملک کے نوجوان محققین، سائنس دانوں اور طبی…

11 hours ago