عزیزسے ’اوستھی‘ ہوگیا سی پی آئی-ایم سکریٹری محمد سلیم کے بیٹے کا نام، بنگال میں ڈرافٹ ووٹرلسٹ پرہنگامہ

آتش عزیزنے کہا، ”اگرایسی غلطی کسی ایسے شخص کے معاملے میں ہوسکتی ہے، جو دہائیوں سےعوامی زندگی میں ہے تو یہ سنگین سوال کھڑے کرتا ہے کہ عام رائے دہندگان کو کس طرح کا سامنا کرنا پڑسکتا ہے۔“ انہوں نے اسپیشل انٹینسیو رویژن (ایس آئی آر) ایکسرسائزکرنے کے پیچھے کے سبب پرسوال اٹھایا، جس میں کروڑوں روپئے خرچ ہوتے ہیں۔ اگربیسک غلطیاں سامنے آتی رہتی ہیں۔

“عزیز” سے بدل کر”اوستھی” کردیا گیا

آتش عزیزنے سخت تبصرہ کرتے ہوئے لکھا کہ میڈیا اوربی جے پی کے کچھ حصوں نے دعویٰ کیا تھا کہ ایس آئی آرکا استعمال مسلمانوں کوہدف بنانے کے لئے کیا جائے گا، لیکن اس کے بجائے اس پروسیس میں سرنیم جوڑکر”میرے والد محمد سلیم اورمجھے برہمن بنا دیا گیا۔“

عزیزنے اپنے دعوے کوثابت کرنے کے لئے ڈرافٹ لسٹ کی تصاویربھی شیئرکیں اورکہا کہ سی پی آئی-ایم کے بوتھ-لیول ایجنٹ نے اس معاملے کو چیف الیکٹورل آفیسرکے آفس کے سامنے اٹھایا ہے۔ ایس آئی آرایکسرسائزکے پہلے فیزکے تحت گنتی کے فارم کے ڈیجیٹائزیشن کے بعد ڈرافٹ الیکٹورل رولس 16 دسمبرکوشائع کئے گئے تھے۔ دوسری طرف، الیکشن کمیشن نے کہا ہے کہ معاملے کی جانچ کی جا رہی ہے۔ اگرکمیشن سے کوئی غلطی ہوئی ہے تواسے ٹھیک کیا جائے گا۔