Badlapur School Sexual Assault Case: بدلاپور معاملے میں گرفتار ملزم اکشے شندے کے خلاف عدالت کا بڑا فیصلہ، 24 اگست تک پولیس حراست میں

Badlapur School Sexual Assault Case: بدلاپور معاملے میں گرفتار ملزم اکشے شندے کو آج عدالت میں پیش کیا گیا۔ سماعت کے بعد عدالت نے ملزم شندے کو 24 اگست تک پولیس کی تحویل میں بھیج دیا ہے۔ اس معاملے میں ملزم اکشے شندے کو کلیان کورٹ میں پیش کیا گیا۔ آپ کو بتاتے چلیں کہ جب ملزم شندے کو گرفتاری کے بعد پہلی بار عدالت میں پیش کیا گیا تو اسے 4 دن کی پولیس حراست میں بھیجا گیا تھا۔ آج ملزم کی حراست ختم ہوئی جس کے بعد اسے عدالت میں پیش کیا گیا اور دوبارہ پولیس کی تحویل میں بھیج دیا گیا۔

احتجاج کرنے والے تقریباً 300 افراد کے خلاف ایف آئی آر، 40 سے زائد گرفتار

مہاراشٹر کے بدلاپور کے ایک اسکول میں ایک لڑکی کے ساتھ مبینہ جنسی زیادتی کے حوالے سے کل پیش آنے والے واقعے کے خلاف احتجاج کرنے والے تقریباً 300 لوگوں کے خلاف ایف آئی آر درج کی گئی ہے۔ پولیس نے 40 سے زائد افراد کو گرفتار کر لیا ہے۔ گرفتار افراد کو آج عدالت میں پیش کیا جائے گا۔

بدلاپور میں 10 گھنٹے کے بعد شروع ہوئی ریل سروس

شام مہاراشٹر کے بدلاپور ریلوے اسٹیشن پر مظاہرین کی جانب سے ریلوے ٹریک خالی کرنے کے بعد ٹرین خدمات دوبارہ شروع ہوگئیں۔ بدلاپور کے ایک اسکول میں لڑکی کے ساتھ مبینہ جنسی ہراسانی کے خلاف لوگوں نے تقریباً 10 گھنٹے تک ریلوے اسٹیشن کی پٹریوں پر مظاہرہ کیا۔

یہ بھی پڑھیں- Bharat Bandh on Aug 21 کل بھارت رہے گا بند،یوپی اور راجستھان میں سیکورٹی کے سخت انتطامات،جانئےکیا بند رہے گا اور کیا کھلا رہے گا؟

بدلاپور میں ہنگامہ آرائی کے بعد انٹرنیٹ سروس بند کر دی گئی

ٹھانے کے بدلاپور میں ضلع اور پولیس انتظامیہ نے انٹرنیٹ سروس بند کر دی۔ واٹس ایپ اور دیگر سوشل میڈیا پلیٹ فارمز کے ذریعے افواہوں کو پھیلنے سے روکنے کے لیے انٹرنیٹ سروسز بند کر دی گئیں۔

10 دن میں چارج شیٹ داخل کرنے کی تیاری کر رہی ہے پولیس

ٹھانے پولیس بدلاپور معاملے میں 10 دن کے اندر چارج شیٹ داخل کرنے کی تیاری کر رہی ہے۔ اس معاملے میں شندے حکومت نے تین پولیس افسران کو معطل کر دیا ہے۔

-بھارت ایکسپریس