دہلی کے سابق اسمبلی اسپیکر ڈاکٹر یوگا نند شاستری کی کانگریس میں آج واپسی ہوگی۔
سماجوادی پارٹی سے الائنس ٹوٹنے کی خبروں کے درمیان کانگریس کا بیان سامنے آیا ہے۔ کانگریس جنرل سکریٹری کے سی وینو گوپال نے کہا ہے کہ اترپردیش میں سماجودادی پارٹی سے الائنس سے متعلق بات چیت جاری ہے اور یہ تقریباً فائنل اسٹیج میں ہے اورہم جلد ہی اس کا اعلان کریں گے۔ واضح رہے کہ اکھلیش یادو کے راہل گاندھی کی بھارت جوڑو نیائے یاترا میں شامل نہیں ہونے کے بعد سماجوادی پارٹی سے الائنس ٹوٹنے کی قیاس آرائیاں کی جارہی تھیں۔
فائنل اسٹیج میں ہے بات چیت: جے رام رمیش
اس سے پہلے سیٹ شیئرنگ کے موضوع اکھلیش یادو کے بیان پرکانگریس جنرل سکریٹری جے رام رمیش نے کہا تھا کہ بات چیت کو حتمی شکل دی جا رہی ہے۔ ایک مثبت ماحول ہے۔ سماجوادی پارٹی چاہتی ہے کہ انڈیا الائنس ایک ساتھ لڑے۔ ہم بھی چاہتے ہیں کہ انڈیا الائنس اور مضبوط ہو۔ تھوڑا وقت لگ رہا ہے۔ اکھلیش یادو کا بیان بہت مثبت تھا۔
سماجوادی-کانگریس میں الائنس ختم ہونے کا دعویٰ
دعویٰ کیا جارہا ہے کہ لوک سبھا الیکشن کے پیش نظرسماجوادی پارٹی اور کانگریس میں سیٹ شیئرنگ سے متعلق بات چیت رک گئی ہے۔ سماجوادی پارٹی ابھی کانگریس کے جواب کا انتظار کر رہی ہے۔ مراد آباد، بجنور اوربلیا کی سیٹ کانگریس مانگ رہی تھی، جس کی وجہ سے سماجوادی پارٹی ناراض ہوگئی تھی۔ سماجوادی پارٹی نے کانگریس کو 17 سیٹوں کی پیشکش کی ہے۔ جبکہ کانگریس 20 سیٹوں کا مطالبہ کر رہی ہے۔ کانگریس کا یہ بھی کہنا ہے کہ اس کے دعوے والی سیٹوں کو سماجوادی پارٹی نے نہیں دیا بلکہ ہارنے والی سیٹیں دی ہیں۔
راہل گاندھی کی نیائے یاترا میں بھی نہیں گئے اکھلیش یادو
دراصل، ملیکا ارجن کھڑگے نے اکھلیش یادو کو فون کرکے 17 امیدواروں کے علاوہ بہرائچ، دیوریا اورامروہہ کی سیٹ مانگی تھی۔ سماجوادی پارٹی نے دیوریا اور امروہہ سیٹ دینے کے لئے راضی ہوگئی، لیکن بہرائچ نہیں دیا۔ کانگریس صدرکھڑگے بھی اس پرمان مان گئے، لیکن سماجوادی پارٹی نے کہا کہ یہ سیٹیں 17 میں ایڈجسٹ کیجئے ورنہ یہ تعداد 19 ہوجائے گی۔ اسی درمیان پرینکا گاندھی کے لوگوں نے اویناش پانڈے کے ذریعہ رام پور اور مرادآباد جو 2019 میں سماجوادی پارٹی نے جیتی تھی، وہ سیٹیں بھی مانگ لیں، جس کی وجہ سے ناراض سماجوادی پارٹی نے بات چیت روک دی اور راہل گاندھی کی یاترا میں بھی اکھلیش یادو نہیں گئے۔
کئی سیٹوں پراعتراض کی وجہ سے بند ہوئی بات چیت
ذرائع کے مطابق، سماجوادی پارٹی کی طرف سے دیئے گئے آفرمیں امیٹھی، رائے بریلی، وارانسی، امروہہ، باغپت، سہارنپور، گوتم بدھ نگر، غازی آباد، بلند شہر، فتح پورسیکری، ہاتھرس، جھانسی، بارہ بنکی، کانپور، سیتاپور، قیصرگنج اور مہاراج گنج سیٹ شامل تھی، لیکن کچھ ایسی سیٹیں بھی تھیں، جس کو لے کردونوں پارٹیوں کے درمیان اختلاف تھا۔ دراصل، گزشتہ روزجب سماجوادی پارٹی نے اپنے امیدواروں کی پہلی فہرست جاری کی تھی، اسی وقت پارٹی کی طرف سے کچھ ایسی سیٹوں پرامیدواراعلان کردیا تھا، جس پرکانگریس کو اعتراض تھا۔ پارٹی کی طرف سے کچھ لیڈران کے ذریعہ دیئے گئے بیان میں اس کے اشارے بھی ملے تھے۔ گزشتہ دنوں کے دوران کئی بارکانگریس کے ریاستی صدر بننے کے بعد اجے رائے نے تلخ پیغام دیا تھا۔ انہوں نے واضح کہا تھا کہ ہم پرلوک سبھا سیٹ پرتیاری کر رہے ہیں۔ اس کے بعد سماجوادی پارٹی اورکانگریس خیمے سے جم کربیان بازی ہوئی تھی۔ بات اتنی بڑھی کہ ذرائع کے مطابق، کانگریس ہائی کمان کو مداخلت کرنا پڑا تھا۔ حالانکہ ابھی تک دونوں ہی سیاسی پارٹیوں کی طرف سے کوئی باضابطہ بیان جاری نہیں کیا گیا ہے۔
بھارت ایکسپریس۔
اللو ارجن کے والد نے کہا کہ فی الحال ہمارے لیے کسی بھی چیز پر…
روپ وے پراجیکٹ پر وشنو دیوی سنگھرش سمیتی کے ارکان کا کہنا ہے کہ تشکیل…
اپیندر رائے نے اس ملاقات کے بارے میں اپنی ایکس پوسٹ میں لکھا کہ، ’’چیف…
ورکنگ پروگرام کے تحت دونوں ملکوں کے درمیان کھیلوں کے میدان میں دوطرفہ تعاون کو…
وزیر اعظم نریندر مودی کا کویت کا دو روزہ دورہ ختم ہو گیا ہے اور…
مسلم نیشنل فورم کا اہم اجلاس: قومی مفاد اور ہم آہنگی پر زور