Congress Reshuffle: کانگریس تنظیم میں بڑے پیمانے پرردوبدل، 4 جنرل سکریٹریوں کی ہوگی چھٹی، ان ریاستوں کے انچارج ہوں گے تبدیل

نئی دہلی: کانگریس تنظیم میں بڑی تبدیلی کی خبرہے۔ کئی ریاستوں کے انچارج اورآل انڈیا کانگریس کمیٹی (اے آئی سی سی) میں تبدیلی کی آہٹ تیزہوگئی ہے۔ یہ تبدیلی آئندہ اسمبلی الیکشن کو دیکھتے ہوئے پارٹی کومضبوط کرنے کے لئے کئے جا رہے ہیں۔

4 جنرل سکریٹریوں کی ہوسکتی ہے چھٹی

ذرائع کے مطابق، 4 جنرل سکریٹریوں کی چھٹی ہوسکتی ہے۔ اس کے علاوہ تین سے 4 ریاستوں کے ریاستی صدربھی تبدیل کئے جاسکتے ہیں۔ 6 سے 7 ریاستوں کے انچارج ہٹائے جائیں گے۔ تقریباً 26 نیشنل جنرل سکریٹریوں کی چھٹی ہوگی۔ پارٹی میں ابھی 62 نیشنل جنرل سکریٹری ہیں۔ ذرائع کے مطابق، ہریانہ انچارج بی کے ہری پرساد، مہاراشٹرانچارج رمیش چینیتھلا، چھتیس گڑھ کے انچارج سچن پائلٹ، تمل ناڈوانچارج گریش چوڈنکر، راجستھان کے انچارج سکھجیندرسنگھ رندھاوا ہٹائے جائیں گے۔

پارٹی کو مضبوط کرنے کی حکمت عملی

دراصل، بی کے ہری پرساد کرناٹک کانگریس کے ریاستی صدربنائے جاچکے ہیں، ایسے میں ہریانہ میں ان کی جگہ کسی نئے چہرے کوپارٹی انچارج یا جنرل سکریٹری مقررکیا جائے گا۔ کیرلا میں کانگریس کے حکومت میں آنے کے بعد رمیش چینیتھلا وزیربنے ہیں، ایسے میں ان کی جگہ مہاراشٹرمیں نیا انچارج بنایا جائے گا۔ کیرلا کے ریاستی صدرسنی جوسف بھی وزیربنے ہیں، ایسے میں تنظیم سے ان کی وداعی طے مانی جا رہی ہے۔ تمل ناڈو کے انچارج کی ذمہ داری سنبھال رہے گریش کوگزشتہ دنوں گوا کا ریاستی صدربنایا گیا تھا، ایسے میں اے آئی آئی سی سی سے ان کی چھٹی طے مانی جا رہی ہے۔ پارٹی میں تبدیلی کا اصل مقصد تنظیم کومضبوط کرنا ہے۔

کن ریاستوں میں تبدیل کئے جاسکتے ہیں ریاستی انچارج؟

ذرائع کے مطابق، دہلی، راجستھان، پنجاب، تمل ناڈو اوراترپردیش میں کانگریس ریاستی صدر تبدیل کرسکتی ہے۔ پنجاب اوراترپردیش میں آئندہ سال 2027 میں اسمبلی الیکشن ہونا ہے، ایسے میں ریاستی صدرمیں تبدیلی کی آہٹ کو اہم مانا جا رہا ہے۔ قیاس آرائی کی جا رہی ہے کہ پارٹی کے اندر گروپ بازی کوروکنے اورتنظیم کومضبوط کرنے کے لئے نئے چہرے کو ذمہ داری سونپی جاسکتی ہے۔

بھارت ایکسپریس اردو-