LPG Price Hike: مہینے  کے پہلے ہی دن مہنگائی کا لگا زوردار جھٹکا، کمرشل اور 5 کلو  گرام ایل پی جی سلنڈر مزیدمہنگے

نئی دہلی: جون کے آغاز کے ساتھ ہی کاروباری اداروں اور چھوٹے یوزر کو مہنگائی کا ایک اور جھٹکا لگا ہے۔ یکم جون سے کمرشل ایل پی جی سلنڈروں اور 5 کلوگرام فری ٹریڈ ایل پی جی  (ایف ٹی ایل) سلنڈروں کی قیمتوں میں اضافہ کر دیا گیا ہے۔ نئی قیمتوں کا اطلاق پیر سے ہو گیا ہے، جس کے بعد ملک کے مختلف شہروں میں گیس سلنڈروں کے نرخ مزید بڑھ گئے ہیں۔نئی قیمتوں کے مطابق دہلی میں 19 کلوگرام والے کمرشل ایل پی جی سلنڈر کی قیمت میں 42 روپے کا اضافہ کیا گیا ہے، جس کے بعد اس کی قیمت 3,113.50 روپے فی سلنڈر ہو گئی ہے۔ کولکاتا میں سب سے زیادہ اضافہ دیکھا گیا، جہاں قیمت میں 53.50 روپے کا اضافہ ہونے کے بعد یہ 3,255.50 روپے فی سلنڈر تک پہنچ گئی ہے۔آئل مارکیٹنگ کمپنیوں کا کہنا ہے کہ ایندھن اور ٹرانسپورٹیشن کے بڑھتے ہوئے اخراجات کے باعث قیمتوں میں اضافہ ناگزیر ہو گیا تھا۔ اس کے ساتھ ہی 5 کلوگرام فری ٹریڈ ایل پی جی سلنڈروں کی قیمت میں بھی 11 روپے کا اضافہ کیا گیا ہے۔ دہلی میں اب 5 کلوگرام ایف ٹی ایل سلنڈر 821.50 روپے میں دستیاب ہوگا۔

قابل ذکر بات یہ ہےکہ  گھریلو یوزر کے لیے ایک راحت کی خبر یہ ہے کہ عام گھریلو ایل پی جی سلنڈروں کی قیمتوں میں فی الحال کوئی تبدیلی نہیں کی گئی، جس سے لاکھوں خاندانوں کو فوری طور پر اضافی بوجھ کا سامنا نہیں کرنا پڑے گا۔

دیگر بڑے شہروں میں نئی قیمتیں اس طرح ہیں:

ممبئی: 3,024.50 روپے فی سلنڈر

چنئی: 3,232 روپے فی سلنڈر

حیدرآباد: 3,294 روپے فی سلنڈر

پٹنہ: 3,322 روپے فی سلنڈر

ادھر حالیہ ہفتوں میں کمپریسڈ نیچرل گیس (سی این جی) کی قیمتوں میں بھی اضافہ کیا گیا ہے۔ 15 مئی سے دہلی اور آس پاس کے علاقوں میں سی این جی کی قیمت مجموعی طور پر 6 روپے فی کلو بڑھ چکی ہے، جبکہ تازہ ترین اضافے کے تحت فی کلو 2 روپے مزید بڑھائے گئے ہیں۔صرف گیس ہی نہیں بلکہ پٹرول اور ڈیزل کی قیمتوں میں بھی حالیہ دنوں میں اضافہ ریکارڈ کیا گیا ہے۔ پٹرول کی قیمت میں مجموعی طور پر 7.35 روپے فی لیٹر جبکہ ڈیزل کی قیمت میں 7.53 روپے فی لیٹر کا اضافہ کیا جا چکا ہے۔ماہرین کا کہنا ہے کہ کمرشل ایل پی جی کی بڑھتی قیمتیں ہوٹل، ریستوران، کیٹرنگ اور دیگر کاروباری شعبوں کے اخراجات میں اضافہ کریں گی، جس کے اثرات آنے والے دنوں میں عام یوزر پر بھی پڑ سکتے ہیں۔

اعداد و شمار کے مطابق جنوری 2026 میں دہلی میں 19 کلوگرام کمرشل ایل پی جی سلنڈر کی قیمت 1,691.50 روپے تھی، جو مسلسل اضافوں کے بعد اب 3,113.50 روپے تک پہنچ گئی ہے۔ اس طرح صرف پانچ ماہ کے دوران اس کی قیمت میں 1,400 روپے سے زیادہ کا اضافہ ہو چکا ہے۔فروری میں کمرشل ایل پی جی سلنڈر کی قیمت میں 49 روپے اضافہ کیا گیا تھا، جبکہ مارچ میں 115 روپے مزید بڑھائے گئے۔ اپریل میں سب سے بڑا اضافہ دیکھنے میں آیا، جب فی سلنڈر 993 روپے تک قیمت بڑھا دی گئی۔ اب جون کے آغاز پر ایک بار پھر نرخوں میں اضافہ کر

بھارت ایکسپریس اردو