CNG Price Hike: لوگوں کو لگامہنگائی کا نیا جھٹکا، دہلی سمیت ان شہروں میں سی این جی ہوئی مہنگی

ملک کی قومی راجدھانی دہلی سمیت کئی شہروں کے لوگوں کو ہفتہ کو مہنگائی کا نیا جھٹکا لگا۔ ہفتہ سے کئی شہروں میں سی این جی کی قیمتوں میں اضافہ ہوگیاہے۔ اس سے لوگوں کی جیبوں پر پڑے کا مزیدبوجھ ۔

اتنا  ہوااضافہ

ایک آفیشیل  بیان کے مطابق ہفتہ کی صبح 6 بجے سے سی این جی یعنی کمپریسڈ نیچرل گیس کی قیمتوں میں اضافہ ہوا ہے۔ سی این جی کی قیمت میں ایک روپے فی کلو اضافہ کیا گیا ہے۔ یہ اضافہ دہلی-این سی آر سمیت اتر پردیش، ہریانہ اور راجستھان کے کئی شہروں میں سی این جی کی قیمتوں کو متاثر کرنے والا ہے۔

دہلی-این سی آر میں تازہ ترین سی این جی کی قیمتیں

بیان کے مطابق تازہ ترین اضافے کے بعد دہلی میں سی این جی کی قیمت آج سے 75.09 روپے فی کلو ہوگئی ہے۔ اس سے پہلے دہلی میں سی این جی 74.09 روپے فی کلو کی قیمت پر فروخت ہو رہی تھی۔ دہلی سے متصل نوئیڈا، گریٹر نوئیڈا اور غازی آباد جیسے شہروں میں بھی آج سے سی این جی کی قیمتوں میں ایک روپیہ فی کلو اضافہ کیا گیا ہے۔ ان تینوں شہروں میں آج سے سی این جی کی قیمت 78.70 روپے فی کلو سے بڑھ کر 79.70 روپے فی کلو ہوگئی ہے۔

گروگرام سمیت ان شہروں میں قیمتیں مستحکم ہیں

کئی شہروں میں سی این جی کی قیمتوں میں ردوبدل کیا گیا ہے۔ اگر ہم دہلی اور اس کے آس پاس کے شہروں پر نظر ڈالیں تو گروگرام اور ایک یا دو دیگر کو چھوڑ کر تقریباً تمام جگہوں پر سی این جی کی قیمتیں آج سے بڑھ گئی ہیں۔ گروگرام کے معاملے میں قیمتوں میں کوئی تبدیلی نہیں ہوئی ہے۔ گروگرام کے علاوہ کرنال اور کیتھل میں بھی سی این جی کی قیمتوں میں کوئی تبدیلی نہیں ہوئی ہے۔

ان شہروں میں بھی سی این جی کی قیمتیں بڑھ گئیں

دوسرے شہروں کی بات کریں تو آج سے ہریانہ کے ریواڑی، میرٹھ، مظفر نگر اور اتر پردیش کے شاملی اور راجستھان کے اجمیر، پالی اور راجسمند میں سی این جی کی قیمتوں میں اضافہ کیا گیا ہے۔ ریواڑی میں سی این جی کی قیمتیں اب 78.70 روپے فی کلوگرام سے بڑھ کر 79.70 روپے فی کلو ہو گئی ہیں۔ اسی طرح اتر پردیش کے میرٹھ، مظفر نگر اور شاملی میں قیمت 79.08 روپے سے بڑھ کر 80.08 روپے فی کلو ہو گئی ہے۔ وہیں راجستھان کے اجمیر، پالی اور راجسمند میں سی این جی اب 81.94 روپے فی کلو کے بجائے 82.94 روپے فی کلو کے حساب سے فروخت کی جائے گی۔

بھارت ایکسپریس