نیوشمع لیبارٹریز کے زیراہتمام میرٹھ میں سی ایم ای کا پروگرام، یونانی طب کے فروغ اور جدید طبی رہنمائی کے لئے ایک کامیاب علمی اقدام

نیو شمع لیبارٹریز (پرائیویٹ) لمیٹڈ، دہلی کے زیرِاہتمام ہوٹل میورڈیلکس، قیصرگنج، دہلی روڈ، میرٹھ میں “یونانی میڈیسن: قدرتی شفا کی طاقت” کے عنوان سے ایک باوقار Continuing Medical Education (CME) پروگرام کامیابی کے ساتھ منعقد کیا گیا۔ اس علمی و تحقیقی نشست میں میرٹھ اورگرد ونواح سے تعلق رکھنے والے ممتاز اطباء، یونانی معالجین اورطبی ماہرین نے بھرپورشرکت کی۔ پروگرام کا بنیادی مقصد یونانی طب کی سائنسی بنیادوں کو اجاگرکرنا، جدید طبی تقاضوں سے ہم آہنگ علاج پرروشنی ڈالنا، اورمعیاری یونانی ادویات کے مؤثرومحفوظ استعمال کے حوالے سے معالجین کوجدید معلومات فراہم کرنا تھا۔

پروگرام کے دوران بزنس ڈیولیمنٹ مینیجرڈاکٹرعبداللہ خان نے نہایت جامع، سائنسی اورمعلوماتی پریزنٹیشن پیش کی، جس میں Cholonil، Slimin، Depane، Dekabz، Immunator، Abresham، Fibnil، Menset، Pilocure، Proswin، Livo SF اور Sadreen SF سمیت نیوشمع لیبارٹریزکی مختلف معیاری یونانی ادویات کے اجزاء، طبی افادیت، استعمال کے اصول، کلینیکل فوائد اورمریضوں میں ان کے مؤثرنتائج پرتفصیلی روشنی ڈالی۔

پروگرام کی قیادت انورالحق (جنرل منیجر، سیلز) نے کی، جنہوں نے معززشرکاء کا خیرمقدم کرتے ہوئے یونانی طب کے فروغ، معیاری ادویات کی فراہمی اورمسلسل طبی تعلیم (سی ایم ای ) کی اہمیت پرزوردیا۔ انہوں نے اس عزم کا اعادہ کیا کہ نیوشمع لیبارٹریزمستقبل میں بھی ملک بھرکے معالجین کے لیے ایسے علمی اورتربیتی پروگراموں کا سلسلہ جاری رکھے گی۔

شرکاء نے پروگرام کوانتہائی مفید، معلومات افزا اورپیشہ ورانہ معیارکا حامل قرار دیتے ہوئے نیوشمع لیبارٹریزکی اس قابلِ قدرکاوش کوسراہا۔ انہوں نے اس امید کا اظہارکیا کہ اس نوعیت کے سی ایم ای پروگرام معالجین کے علمی معیار میں مزید اضافہ کریں گے اورمریضوں کوبہتراورمؤثرعلاج کی فراہمی میں معاون ثابت ہوں گے۔ پروگرام کے اختتام پرتمام معززشرکاء کا شکریہ ادا کیا گیا اوراس عزم کا اظہارکیا گیا کہ نیوشمع لیبارٹریز(پرائیویٹ) لمیٹڈ یونانی طب کے فروغ، طبی تحقیق، مسلسل طبی تعلیم اورمعیاری صحت کی خدمات کے لیے آئندہ بھی اسی جذبے کے ساتھ اپنی خدمات جاری رکھے گی۔

بھارت ایکسپریس اردو-