Padma Bhushan awardee Mahakavi Gopaldas ‘Neeraj’: مہاکوی گوپال داس نیرج نے ہندی سنیما کو 150 سے زائد لازوال نغمے دیے، جنہیں آج بھی ہر نسل پسند کرتی ہے- سی ایم ڈی اُپیندر رائے

ہندی ادب کے عظیم شاعر، پدم بھوشن مہاکوی گوپال داس ’نیرج‘ کی آٹھویں برسی کے موقع پر ممبئی کے رنگ شاردا آڈیٹوریم میں ’’کارواں گیتوں کا… نیرج‘‘ کے عنوان سے ایک یادگار تقریب کا انعقاد کیا گیا۔ ’مہاکوی گوپال داس نیرج فاؤنڈیشن ٹرسٹ‘ اور ’بھارت ایکسپریس نیوز نیٹ ورک‘ کے مشترکہ اہتمام میں ہونے والی اس تقریب میں ادبی، ثقافتی اور موسیقی کی دنیا سے وابستہ متعدد معروف شخصیات، ادیبوں اور فنونِ لطیفہ سے محبت رکھنے والوں نے شرکت کی۔

تقریب کے سرپرست، بھارت ایکسپریس نیوز نیٹ ورک کے چیئرمین، منیجنگ ڈائریکٹر اور ایڈیٹر اِن چیف اُپیندر رائے نے اپنے خطاب میں مہاکوی نیرج سے اپنی گہری وابستگی کا ذکر کرتے ہوئے کہا کہ وہ اس تقریب میں مہمان کی حیثیت سے نہیں بلکہ اس خاندان کے ایک فرد اور سرپرست کے طور پر موجود ہیں۔ انہوں نے بتایا کہ نیرج جی کے دونوں صاحبزادے ششانک اور مرگانک سال 2010 سے ان کے ساتھ کام کر رہے ہیں اور گزشتہ آٹھ برسوں سے ہر سال اسی محبت اور عقیدت کے ساتھ نیرج کو یاد کیا جاتا ہے۔

मुंबई के बांद्रा वेस्ट स्थित प्रतिष्ठित रंग शारदा ऑडिटोरियम में पद्मभूषण महाकवि गोपाल दास ‘नीरज’ जी की 8वीं पुण्यतिथि पर एक भव्य सांस्कृतिक संध्या का आयोजन किया गया। इस विशेष अवसर पर महाकवि नीरज जी और संगीत जगत की कई महान हस्तियों को श्रद्धांजलि दी गई। कार्यक्रम में मैंने भी… pic.twitter.com/URIBnJHpzk

— Upendrra Rai (@UpendrraRai) July 23, 2026

اُپیندر رائے نے اپنی پہلی ملاقات کا ذکر کرتے ہوئے بتایا کہ 11 فروری 2010 کو اندور میں منعقدہ ایک تقریب میں انہیں اور معروف نغمہ نگار جاوید اختر کو ’’بھروسہ صحافت اعزاز‘‘ سے نوازا گیا تھا اور یہ اعزاز خود مہاکوی نیرج کے ہاتھوں حاصل کرنا ان کی زندگی کا یادگار لمحہ تھا۔ انہوں نے کہا کہ ایک سچا شاعر معصوم بچے کی طرح بے لوث، پاکیزہ اور خوش مزاج ہوتا ہے۔

اپنے خطاب میں اُپیندر رائے نے اوشو اور نیرج کے درمیان گہری دوستی کا بھی دلچسپ واقعہ سنایا۔ انہوں نے بتایا کہ زندگی کے آخری دنوں میں جب نیرج ان سے ملنے آئے تو انہوں نے اوشو سے تعلقات کے بارے میں سوال کیا۔ نیرج نے مسکراتے وئے جواب دیا کہ اوشو ان کے سب سے قریبی دوست تھے اور ان سے انہیں بے پناہ محبت تھی۔ انہوں نے اوشو کی غیر معمولی یادداشت کا ذکر کرتے ہوئے بتایا کہ وہ بے شمار کتابوں کا خلاصہ زبانی یاد رکھتے تھے۔

صحافت پر گفتگو کرتے ہوئے اُپیندر رائے نے کہا کہ ان کے استاد اُدے شنکر نے انہیں سکھایا تھا کہ کبھی اپنا چہرہ نہ بیچو بلکہ نئے چہرے تیار کرو۔ انہوں نے کہا کہ میڈیا کی نئی نسل کو مواقع فراہم کرنا ہی اصل ذمہ داری ہے۔

مہاکوی نیرج کی ادبی خدمات کو خراجِ عقیدت پیش کرتے ہوئے اُپیندر رائے نے کہا کہ نیرج نے ہندی سنیما کو 150 سے زائد لازوال نغمے دیے، جنہیں آج بھی ہر نسل پسند کرتی ہے۔ تقریب کے دوران انہوں نے نیرج کی مشہور نظم ’’کچھ سپنوں کے مر جانے سے، جیون نہیں مرا کرتا ہے‘‘ کی سطریں بھی سنائیں، جس سے حاضرین جذباتی ہوگئے۔ انہوں نے لندن سے واپسی کے دوران لکھی اپنی تازہ شاعری بھی سنائی۔

تقریب میں بڑی تعداد میں موجود ادب اور موسیقی کے شائقین نے اس بات کا ثبوت دیا کہ مہاکوی گوپال داس نیرج آج بھی اپنے گیتوں، غزلوں اور افکار کے ذریعے کروڑوں دلوں میں زندہ ہیں۔ ان کی شخصیت اور تخلیقات آنے والی نسلوں کے لیے بھی مشعلِ راہ بنی رہیں گی۔

بھارت ایکسپریس اردو