قومی

Loudspeaker and DJ Ban in UP: یوپی میں لاؤڈ اسپیکرس اور ڈی جے پردیا بڑا حکم، صبح صبح سڑکوں پر اتری پولیس

اترپردیش میں صبح میں بجنے والے لاؤڈ اسپیکرسے متعلق وزیراعلیٰ یوگی آدتیہ ناتھ سخت ہیں۔ سپریم کورٹ کے حکم کے تحت لاؤڈ اسپیکر سے متعلق ضوابط کے پیش نظروزیراعلیٰ یوگی آدتیہ ناتھ نے کارروائی کرنے کے احکامات دیئے ہیں۔ وہیں وزیراعلیٰ یوگی کے حکم اور سپریم کورٹ کی ہدایت پریوپی پولیس کے افسران نے عمل کیا۔ لکھنؤ میں آج جمعرات (5 دسمبر) کوپولیس افسران نے صبح صبح کئی علاقوں کا دورہ کیا۔

دارالحکومت دہلی کے سینئرپولیس افسران جائزہ لینے نکلے۔ انہوں نے حضرت گنج، مہانگر، لکھنؤکے مغربی علاقوں میں پولیس کے ساتھ جائزہ لیا۔ سی پی امریندرکمارسینگراورسبھی ڈی سی پی جائزہ لینے نکلے۔ سبھی مذہبی مقامات پرلاؤڈ اسپیکرکوچیک کیا گیا اورہائی اسپیڈ بائیکنگ کے خلاف مہم چلاکرکارروائی کی۔ وہیں مارننگ واک (صبح کی سیر) پرنکلے لوگوں سے بھی بات چیت کی۔

یوپی سی ایم اوکی طرف سے ایکس (ٹوئٹر) پرلکھا گیا-“مذہبی مقامات یا میوزک پروگراموں میں مقررہ حد سے زیادہ والیوم میں اورمقررہ وقت کے بعد لاؤڈ سپیکر/ڈی جے کا استعمال نہ کریں۔ بوڑھے لوگوں، مریضوں اوراسکول کالج کے بچوں کے لئے ٹینیٹس ایک بڑا مسئلہ ہے۔ قبل ازیں اس سلسلے میں مؤثرکارروائی کی گئی تھی۔ ایک بارپھراس کا جائزہ لیں، جہاں حالات ٹھیک نہیں ہوں اوروہاں لاؤڈ اسپیکر اتارے جائیں۔”

اس سے پہلے وزیراعلیٰ یوگی نے میٹنگ کرتے ہوئے واضح طورپرکہا کہ عوامی مقامات پرتجاوزات کے معاملے پرسب کوسمجھنا چاہئے کہ سڑکیں سب کے لئے ہیں۔ تعمیراتی سامان کوجمع کرنے، نجی گاڑیوں کی پارکنگ، دکانوں کی تعمیروغیرہ کے لئے عوامی جگہ استعمال کرنے کی اجازت نہیں ہوگی۔ انہوں نے کہا کہ انتشارپھیلانے والوں کی نشاندہی کی جائے اوران کے پوسٹرلگائے جائیں اورکسی بھی شرپسند کونہ بخشا جائے۔ وزیراعلیٰ یوگی کے ساتھ اس میٹنگ میں تمام ڈویژنل کمشنرز، پولیس زون کے اے ڈی جی، ضلع مجسٹریٹ، پولیس رینج آئی جی، پولیس سپرنٹنڈنٹ نے ویڈیوکانفرنسنگ کے ذریعہ شرکت کی۔

Nisar Ahmad

Recent Posts

Women’s Asian Champions Trophy: ویمنز ایشین چیمپئنز ٹرافی، بھارت نے ملائیشیا کو 4-1 سے شکست دے کر کیا فاتحانہ آغاز، ڈیبیو میچ میں پوجا ساہو نے داغا گول

موجودہ چیمپئن بھارت نے ویمنز ایشین چیمپئنز ٹرافی 2026 میں شاندار آغاز کرتے ہوئے ملائیشیا…

20 minutes ago