وزیر اعلیٰ عمر عبداللہ نے تقریب میں فیتہ کاٹنے سے کیوں کیا انکار؟ اسے داد بھی مل رہی ہے۔سوشل میڈیا پر ہو رہی ہے تعریف

جموں وکشمیر کے وزیراعلیٰ عمرعبداللہ ایک پروگرام میں گئے ہوئے تھے۔ وہاں فیتہ ترنگے کے رنگ کا تھا۔ جب ان کی نظرملک کے قومی پرچم پرپڑی توانہوں نے اسے کاٹنے سے منع کردیا۔ انہوں نے کہا کہ ہم اسے نہیں کاٹ سکتے ہیں۔ 56 سال کے وزیراعلیٰ عمرعبداللہ سری نگرکے کشمیرہاٹ میں ’’اپنے کاریگروں کوجانیں‘‘ ایونٹ کا افتتاح کررہے تھے۔ ویڈیومیں واضح طورپردکھائی دے رہا ہے کہ وزیراعلیٰ فیتہ کی طرف جاتے ہیں اور پھر قومی پرچم کے رنگوں کو دیکھ کر رک جاتے ہیں۔ انہوں نے کہا کہ اسے وہاں سے کھول دیجئے۔ دونوں طرف سے کھول دیجئے۔ وزیراعلیٰ نے موقع پر پہنچتے ہی افسران کی طرف اشارہ کرتے ہوئے کہا کہ کیسریا، سفید اور ہرے رنگ کی پٹیوں والے فیتے کو کھول دیجئے، اسے میں کاٹوں گا نہیں۔

وزیراعلیٰ عمرعبداللہ کے ساتھ نائب وزیراعلیٰ سریندر چودھری، ان کے مشیرناصراسلم وانی اورکئی دیگرلوگ بھی موجود تھے۔ فیتہ کاٹنے کا کام پورا ہونے کے بعد، عمرعبداللہ شہرکے درمیان واقع کشمیرہاٹ میں باقی کی کارروائی کے لئے آگے بڑھے۔ اس قدم کے لئے انٹرنیٹ پرلوگوں نے ان کی جم کرتعریف کی۔ سوشل میڈیا ایکس پرایک یوزر(صارف) نے کہا، ”وزیراعلیٰ عمرعبداللہ کو ان کی گہری صلاحیت اورموجودہ سمجھ اورصحیح وقت پرکئے گئے سدھارکے لئے مبارکباد۔“ ایک دوسرے یوزر نے کہا کہ ”وزیراعلیٰ، میں آپ کے اس قدم کی سراہنا اوراحترام کرتا ہوں۔ ایک رول ماڈل بننے کے لئے آپ کا شکریہ۔ بھارت ماتا کی جے۔“

”حقیقی احترام ایسے ہی ہوتا ہے، ٹی وی بحث تک محدود نہیں“