Nitish kumar inspects oath ceremony venue: بہار میں سیاسی سرگرمیاں: حلف سے پہلے اسٹیج پر پہنچے نتیش کمار؛ افسران سے کہا… سمجھ گئے!

بہار اسمبلی انتخابات میں این ڈی اے کو ملی شاندار اکثریت کے بعد اب نئی حکومت بنانے کی کوششیں جاری ہیں۔ نئے وزیراعلیٰ کی حلف برداری تقریب  کے لیے کر پٹنہ کے تاریخی گاندھی میدان میں تیاریاں تیزی سے چل رہی ہیں۔ اس تقریب میں خاص شخصیات کے ساتھ ساتھ عوام کی کثیر تعداد کے شامل ہونے کے امکان کو دیکھتے ہوئے وسیع پیمانے پر انتظامات کیے جا رہے ہیں۔ دہلی میں مسلسل میٹنگیں چل رہی ہیں۔ اسی دوران ڈپٹی سی ایم سمراٹ چودھری کے ساتھ سی ایم نتیش کمار حلف برداری سے قبل ہی تقریب کے مقام پر پہنچ گئے۔ نئی حکومت کی حلف برداری تقریب 20 نومبر کو طے ہے۔ وزیراعلیٰ نتیش کمار منگل کی شام گاندھی میدان پہنچے اور تقریب کی تیاریوں کا معائنہ کیا۔ وزیراعلیٰ نے اسٹیج پر مہمانوں کے بیٹھنے کے انتظامات اور دیگر سہولیات کے بارے میں افسران سے تفصیل سے معلومات حاصل کیں۔

نتیش کمار کے ساتھ کئی وزیر بھی موجود

افسران نے وزیراعلیٰ کو حلف برداری تقریب میں وی وی آئی پیز، نو منتخب ارکانِ اسمبلی، سینئر لیڈرز اور بڑی تعداد میں آنے والے مہمانوں کے بیٹھنے کے انتظامات، سکیورٹی اور دیگر ضروری سہولیات کے بارے میں بھی آگاہ کیا۔ اس موقع پر نائب وزیراعلیٰ سمراٹ چودھری، وزیر وجے کمار چودھری، وزیر نتن نبین اور وزیر سنجے سراوگی کے علاوہ سینئر افسران بھی موجود تھے۔

تین لاکھ لوگوں کے پہنچنے کی امید

بتایا جا رہا ہے کہ گاندھی میدان میں تیار کیا جا رہا مرکزی اسٹیج وی وی آئی پی سکیورٹی معیارات کے مطابق بنایا جا رہا ہے۔ پنڈال، ساؤنڈ سسٹم اور آس پاس بیریکیٹنگ کے انتظامات بھی پوری طرح سے کیے جا رہے ہیں۔ میدان کو مختلف حصوں میں تقسیم کر کے بھیڑ کے نظم و نسق اور سکیورٹی کو بہتر بنانے کی حکمت عملی اپنائی گئی ہے۔ اس تقریب میں آنے کے لیے ان تمام ووٹروں کو بھی مدعو کیا جا رہا ہے جنہوں نے این ڈی اے کو زبردست حمایت دی ہے۔ اس تقریب میں دو سے تین لاکھ افراد کے آنے کی امید کی جا رہی ہے۔

بھارت ایکسپریس اردو۔