Chhattisgarh Encounter: سیکورٹی اہلکاروں سے تصادم میں دو خواتین سمیت 3 نکسلی ہلاک

Chhattisgarh Encounter: چھتیس گڑھ سے انکاؤنٹر کی ایک بڑی خبرسامنے آرہی ہے۔ سیکورٹی اہلکاروں کے جوانوں اورنکسلیوں کے درمیان ہفتہ کے روز تصادم ہوگیا۔ اس انکاؤنٹر میں تین نکسلی مارے گئے ہیں۔ اس کے بعد سیکورٹی اہلکاروں نے پورے علاقے کو گھیرکرسرچ آپریشن شروع کردیا۔ مارے گئے نکسلیوں کے پاس سے ہتھیار بھی برآمد کئے گئے ہیں۔

یہ تصادم بیجا پورضلع کے باسا گڑا تھانہ علاقے میں پیش آیا ہے۔ بیلم گٹا کی پہاڑیوں میں پہلے سے چھپے نکسلیوں نے اچانک سے حملہ بول دیا۔ اس پرسیکورٹی اہلکاروں نے جوابی کارروائی کرتے ہوئے فائرنگ کی۔ اس گولی باری میں دو خواتین نکسلی اور ایک مرد نکسلی ہلاک ہوگئے ہیں۔ پولیس کے مطابق، نکسلیوں کے پاس سے ہتھیار، گولی-بارود اوردیگرنکسل سے متعلق اشیاء برآمد کی گئی ہیں۔