بی جے پی کے سابق رکن پارلیمنٹ برج بھوشن شرن سنگھ۔ (فائل فوٹو)
نئی دہلی: خواتین پہلوانوں سے متعلق مبینہ جنسی استحصال کے معاملے میں کشتی فیڈریشن کے سابق صدر اور بی جے پی لیڈر برج بھوشن سنگھ کو راؤزایوینیو کورٹ سے بڑا جھٹکا لگا ہے۔ عدالت نے برج بھوشن سنگھ کے خلاف الزام طے کرنے کا حکم دیا ہے۔ اس کے ساتھ ہی برج بھوشن سنگھ کے سکریٹری ونود تومر کے خلاف بھی الزام طے کرنے کا حکم دیا گیا۔
عدالت نے کہا کہ برج بھوشن سنگھ کے خلاف الزام طے کرنے کے لئے کافی ثبوت ہیں۔ برج بھوشن سنگھ کے خلاف دفعہ 354 (کسی خاتون کے وقار کو ٹھیس پہنچانے کے ارادے سے اس پرحملہ یا مجرمانہ طاقت)، 354- اے (جنسی استحصال) اور دفعہ 506 (مجرمانہ دھمکی) کے تحت الزام طے کرنے کا حکم دیا گیا۔ عدالت نے کہا کہ ونود تومرکے خلاف 506 (1) کے خلاف الزام طے کرنے کے ثبوت ہیں۔
6 خواتین پہلوانوں نے لگائے تھے جنسی استحصال کے الزام
دہلی پولیس نے برج بھوشن سنگھ کے خلاف معاملے میں 15 جون، 2023 کو دفعہ 354 (کسی خاتون کے وقار کو ٹھیس پہنچانے کے ارادے سے اس پرحملہ یا مجرمانہ طاقت)، 354- اے (جنسی استحصال) اور دفعہ 506 (مجرمانہ دھمکی) کے تحت چارج شیٹ داخل کی تھی۔ بی جے پی رکن پارلیمنٹ کے خلاف 6 پہلوانوں نے جنسی استحصال کے الزام لگائے تھے۔ ان کی شکایتوں کی بنیاد پرپولیس نے برج بھوشن سنگھ کے خلاف ایف آئی درج کی تھی۔ پہلوانوں نے جنترمنتر پرزبردست احتجاج کیا تھا اوراس احتجاج کو بڑی حمایت ملی تھی۔
بھارت ایکسپریس۔
راہل گاندھی کو براہِ راست مخاطب کرتے ہوئے رجیجو نے کہا کہ انہیں وزیر اعظم…
ملک کی سب سے بڑی نجی ایئرپورٹ آپریٹر کمپنی اڈانی ایئرپورٹس ہولڈنگز لمیٹڈ (AAHL) نے…
اپوزیشن لیڈر راہل گاندھی نے منگل کو کہا کہ اپوزیشن آکاشوانی بھون کے احاطے میں…
کاجل نے واضح کیا کہ انہوں نے ایسا کسی کے چھوڑ جانے یا محبت میں…
مہاراشٹر میں خشک سالی کی سنگین صورتحال پر تقریباً ایک گھنٹے تک ہوئی بات چیت،…
فلم ’کھلاڑیوں کا کھلاڑی‘ میں ریوینا ٹنڈن کے علاوہ سابق ڈبلیو ڈبلیو ایف، جو اب…