Bomb threat email received: دہلی کے دو اسپتالوں کو بم سے اُڑانے کی ملی دھمکی، اسکول کے بعد اسپتال کو آیا دھمکی آمیز ای میل

دہلی کے اسکولوں میں بم کی دھمکیاں ملنے کے چند دن بعد اب دو اسپتالوں کو بم کی دھمکیاں موصول ہوئی ہیں۔ ای میل میں دی گئی دھمکی براڑی اسپتال اور سنجے گاندھی اسپتال کو دی گئی ہے، ذرائع نے بتایا کہ پولیس موقع پر ہے اور دونوں اسپتالوں میں تلاشی لی جارہی ہے۔ قابل ذکر ہے کہ گزشتہ ہفتے دہلی اور  گجرات کے احمد آباد کے اسکولوں کو بم سے حملے کی دھمکیاں ملی تھیں، جو کہ افواہ ثابت ہوئیں۔ یہ ای میل 2 مئی کو دہلی کے 131 اسکولوں، گروگرام کے پانچ اور نوئیڈا اور گریٹر نوئیڈا کے تین اسکولوں کو بھیجے گئے تھے۔

رپورٹ میں کہا گیا ہے کہ اسکولوں کو اسی آئی پی ایڈریس سے ای میلز موصول ہوئی تھیں، جو ممکنہ طور پر وی پی این کنکشن کا استعمال کرتے ہوئے چھپایا گیا تھا۔ اس بات کا امکان ہے کہ یہ شاید روسی تیار کردہ ڈومین تھا۔ مجرموں نے عربی لفظ ‘سواریم’ استعمال کیا، جس کا مطلب ہے تلواروں کا تصادم اور یہ داعش کے پروپیگنڈے سے منسلک ہے۔ لیکن تفتیش کاروں نے کہا ہے کہ داعش کے ملوث ہونے کا امکان نہیں ہے۔

بم کی افواہوں پر وزارت داخلہ نے کیا کہا؟

مرکزی وزارت داخلہ نے بدھ کو دہلی اور نیشنل کیپیٹل ریجن (این سی آر) کے اسکولوں میں بم نصب کیے جانے کی دھمکی کو افواہ قرار دیتے ہوئے لوگوں سے کہا کہ گھبرانے کی ضرورت نہیں ہے۔ وزارت نے کہا تھا کہ پولیس اور سیکورٹی ایجنسیاں پروٹوکول کے مطابق ضروری اقدامات کر رہی ہیں۔واضح رہے کہ تازہ ترین دھمکی کی خبر ملنے کے بعد دہلی پولیس دونوں اسپتالوں میں سرچ آپریشن چلا رہی ہے۔

بھارت ایکسپریس۔