Bihar gets new DGP: بہار کو ملانیا ڈی جی پی، ونے کمار لیں گےآلوک راج کی جگہ

پٹنہ: بہار کے نئے ڈی جی پی کا اعلان کر دیا گیا ہے۔ 1991 بیچ کے آئی پی ایس افسر ونے کمار کو ریاست کا نیا ڈی جی پی بنایا گیا ہے۔ وہ آلوک راج کی جگہ ذمہ داری سنبھالیں گے۔ ونے کمار کی تقرری دو سال کے لیے کی گئی ہے۔

آئی پی ایس ونے کمار اس وقت بہار بھون پولیس کنسٹرکشن ڈیپارٹمنٹ کے ڈی جی کے طور پر تعینات ہیں۔ وہ 30 دسمبر 2021 سے اس عہدے پر کام کر رہے ہیں۔ انہوں نے اے ڈی جی لا اینڈ آرڈر اور اے ڈی جی سی آئی ڈی جیسے اہم عہدوں کی ذمہ داری نبھائی ہے۔ ونے کمار نے IIT کھڑگپور سے انجینئرنگ کی تعلیم حاصل کی ہے، وہ ایک موثر اور ایماندار افسر کے طور پر جانے جاتے ہیں۔

آپ کو بتا دیں، اس سے پہلے راجویندر سنگھ بھٹی بہار کے ڈی جی پی کے طور پر خدمات انجام دے رہے تھے۔ بھٹی کی ریٹائرمنٹ کے بعد حکومت نے متحرک پولیس افسر آئی پی ایس آلوک راج کو قائم مقام ڈی جی پی بنا یا، اس دوران یہ بحث چھڑی کہ آلوک راج مستقل ڈی جی پی ہی رہیں گے۔ لیکن اب حکومت نے تمام قیاس آرائیوں کو ختم کرتے ہوئے آئی پی ایس افسر ونے کمار کو ڈی جی پی مقرر کرنے کا اعلان کیا ہے۔

آپ کو بتاتے چلیں کہ جب آر ایس بھٹی کو بہار کا ڈی جی پی بنایا گیا تھا تو ونے کمار بھی ڈی جی پی بننے کی دوڑ میں شامل تھے۔ اس وقت بھی آلوک راج کا نام ڈی جی پی کے لیے پینل میں شامل تھا۔ لیکن، بہار کی لوکل لابی سے باہر کے کسی شخص کے نام پر اتفاق ہوا اور آر ایس بھٹی کو بی ایس ایف سے لا کر بہار کا ڈی جی پی بنا دیا گیا۔

بھارت ایکسپریس۔