وزیراعظم مودی کے خلاف نازیبا تبصرہ کرنے پرپٹنہ میں زبردست ہنگامہ، بی جے پی کارکنان نے کانگریس دفترپربولا حملہ، دونوں پارٹیوں کے کارکنان میں چلے لاٹھی ڈنڈے

بہارمیں عظیم اتحاد کی ووٹرادھیکار یاترا کے دوران وزیراعظم مودی کے خلاف توہین آمیز تبصرہ کرنے کے معاملے میں پٹنہ میں بی جے پی اور کانگریس کارکنان آپس میں بھڑگئے۔ اس دوران کانگریس اوربی جے پی کارکنان میں جم کرجھڑپ ہوئی اورپتھراؤبھی کئے جانے کی بات سامنے آئی۔ یہی وجہ ہے کہ کئی کارکن زخمی ہوگئے ہیں توکئی لوگوں کے سرپھوٹ گئے ہیں۔ حالات یہ بنے کہ پولیس کوہاتھ میں پستول لے کراس ہنگامے کوخاموش کرانا پڑا ہے۔

کانگریس کارکنان کی طرف سے اس پورے ہنگامے میں الزام لگایا گیا کہ بی جے پی کارکنان کانگریس دفتر کا تالا توڑکراندرآگئے۔ اس کے ساتھ وہ دفترپرپتھربازی کرنے لگے۔ اس پتھربازی کی وجہ سے کانگریس دفترمیں کھڑی گاڑیوں کو بھی نقصان پہنچا ہے۔

کانگریس کارکنان کے سرپھوٹ گئے

بی جے پی لیڈران کی طرف سے کانگریس لیڈرراہل گاندھی کے خلاف احتجاجی مظاہرہ کیا جا رہا ہے۔ بی جے پی لیڈران کی طرف سے پٹنہ کے صداقت آشرم تک نعرے بازی کرتے ہوئے جلوس نکالا گیا تھا۔ الزام ہے کہ اسی دوران پہلے تو بی جے پی کارکنان نے دفترکے باہر نعرے بازی کی۔ بعد میں اندرگھس کرپتھربازی بھی کردی۔ کانگریس کارکنان نے جب بی جے پی کارکنان کوایسا نہ کرنے کے لئے کہا تو وہ آپس میں ہی بھڑگئے۔ ایک دوسرے پرپہلے تو پتھروں سے حملہ کیا اور بعد میں لاٹھی ڈنڈے سے ایک دوسرے پرحملہ کرنے لگے۔ اس پورے جھڑپ میں کانگریس کارکنان کو چوٹیں آئی ہیں۔ اس کے ساتھ ہی کارکنان کے سربھی پھٹ گئے ہیں۔

بہارمیں غنڈہ راج پاگل: کانگریس

کانگریس کارکنان پرکی گئی پتھربازی پرکانگریس نے حکومت پرحملہ بولا ہے۔ سوشل میڈیا پلیٹ فارم ایکس پرپوسٹ کرتے ہوئے لکھا کہ بہارمیں غنڈہ راج اب پاگل ہوچکا ہے۔ آج صداقت آشرم واقع پردیش کانگریس ہیڈ کوارٹرپرکس طرح سے بی جے پی کےفسادیوں کے ذریعہ حملہ کیا گیا۔ کارکنان کے سرپرپھوڑدیئے گئے۔ پورے کیمپس میں پتھربازی، گالی گلوج اورتوڑپھوڑکی گئی۔ یہ بے حد شرمناک اورجمہوریت کوداغدارکرنے والا ہے۔

وزیراعظم مودی کوگالی دیئے جانے سے برپا ہے ہنگامہ

واضح رہے کہ وزیراعظم مودی کوکانگریس کے اسٹیج سے گالی دیئے جانے کے بعد آج (جمعہ کے روز) پٹنہ میں کرجی اسپتال سے صداقت آشرم تک بی جے پی نے مارچ نکالا تھا۔ اس یں بی جے پی کے کارکنان کے ساتھ ساتھ وزیرسنجے سراوگی اورنتن نوین بھی شامل تھے۔ دوسری طرف خبرہے کہ کچھ زخمیوں کوعلاج کے لئے کرجی اسپتال بھیجا گیا ہے۔ اس پورے معاملے میں کانگریس اوربی جے پی کے کارکنان نے ایک دوسرے پرپتھر چلانے اورمارپیٹ کرنےکا الزام لگایا ہے۔ موقع پرڈی ایس پی لاء اینڈ آرڈرپہنچے، جس کے بعد صورتحال کوکنٹرول کیا گیا۔