’سیمانچل کی عوام تیجسوی کوآسمان سے زمین پرلائے گی‘، اسدالدین اویسی نے آرجے ڈی لیڈرپربولا بڑا حملہ

آل انڈیا مجلس اتحاد المسلمین کے صدر اسد الدین اویسی۔ (فائل فوٹو)

بہاراسمبلی الیکشن میں آل انڈیا مجلس اتحادالمسلمین (اے آئی ایم آئی ایم) سربراہ اسدالدین اویسی اپنے امیدواروں کے لئے مسلسل عوامی جلسے کررہے ہیں۔ اس دوران انہوں نے آرجے ڈی لیڈرتیجسوی یادوپربڑا حملہ بولا ہے۔ اویسی نے کہا کہ تیجسوی یادوآج کل تم آسمان پراڑرہے ہو۔ بہت جلد سیمانچل کی عوام تمہیں آسمان سے زمین پرلا دے گی۔ دراصل، اتوارکے روزاسدالدین اویسی سیمانچل کے کشن گنج پہنچے تھے۔ یہاں انہوں نے اپنے اندازمیں لوگوں کوخطاب کیا۔

اسدالدین اویسی نے کہا کہ تیجسوی یادوآسمان پراڑنے والے زمین پرآتے ہیں۔ تمہیں سیمانچل کی عوام زمین پرسلانے کا کام کرے گی۔ اس دوران اویسی نے ایک گاؤں میں جانے اوروہاں کے بچوں کی ایک چھوٹی سی کہانی سنائی۔ انہوں نے نقل مکانی سے متعلق بھی حکومت سے سوال کیا۔

اویسی کا آرجے ڈی کوچیلنج

اسدالدین اویسی نے کہا کہ بہت دوردرازکے گاؤں میں ہم گئے۔ 8 سال اورسات سال کے بچے، ہم نمازپڑھنے گئے تھے۔ جب ہم بہارنکلے، توہماری بہنیں اور مائیں کھڑی ہوئی تھیں۔ گاؤں کے نوجوان توبے چارے نقل مکانی کرچکے ہیں۔ بچے بولے۔ پتنگ چھاپ۔ پتنگ چھاپ۔ پتنگ چھاپ۔ تیجسوی یادوتم نے دیکھ لیا، 8 سال کا بچہ دیکھ کربول رہا ہے، پتنگ چھاپ، پتنگ چھاپ۔ انہوں نے عوام سے کہا کہ اب سیمانچل سے نا انصافی نہیں ہوگی۔

برج بنوانے کا کیا وعدہ

اے آئی ایم آئی ایم سربراہ اسدالدین اویسی نے کہا کہ میں آپ سے وعدہ کررہا ہوں، کوچا دھامن، بہادرگنج اورٹیڑا گاچھ کے لئے ایک برج کی ضرورت ہے تاکہ بشن پورکے مارکیٹ کوفائدہ ہوسکے۔ میں امید کرتا ہوں کہ ہمارے سرورعالم وہ کام کرائیں گے۔ یہاں پرکئی روڈکی ضرورت ہے۔ کئی کام ہونا باقی ہے۔ وہ تمام کام کرائے جائیں گے۔ انہوں نے کہا کہ جہاں جہاں سے مجلس لڑرہی ہے، وہاں کام کرائے جائیں گے۔

بھارت ایکسپریس اردو-

Nisar Ahmad