بی ایم سی انتخابات سے قبل شرد پوار کو ایک بڑا سیاسی جھٹکا لگا ہے۔ این سی پی شرد پوار گروپ کی ممبئی صدر راکھی جادھو پیر 29 دسمبر کو بھارتیہ جنتا پارٹی (بی جے پی) میں شامل ہو گئیں۔ انہوں نے پہلے بی جے پی کے مقامی رکن اسمبلی پراگ شاہ سے ملاقات کی، جس کے بعد مہاراشٹر کے وزیر اعلیٰ دیویندر فڈنویس سے ان کے ورشا بنگلے پر جا کر ملیں۔گزشتہ کئی دنوں سے یہ بحث جاری تھی کہ ممبئی میں شرد پوار کی این سی پی کس اتحاد کے ساتھ جائے گی۔ شرد پوار کے سامنے دو راستے تھے، ایک ادھو ٹھاکرے اور دوسرا کانگریس۔ اسی دوران بی جے پی نے بڑا سیاسی داؤ کھیلتے ہوئے شرد پوار گروپ کی ممبئی صدر کو ہی اپنے ساتھ شامل کر لیا۔ اس پیش رفت سے بی ایم سی الیکشن سے پہلے این سی پی کو زبردست سیاسی نقصان پہنچا ہے۔
سیٹوں کی تقسیم پر ناراض تھیں راکھی جادھو
راکھی جادھو نے رکن اسمبلی پراگ شاہ کی موجودگی میں باضابطہ طور پر بی جے پی کی رکنیت اختیار کی۔ اجیت پوار اور شرد پوار کے درمیان اختلافات کے وقت راکھی جادھو نے شرد پوار کا ساتھ دیا تھا، قابل ذکر بات یہ ہےکہ بعد میں سیٹوں کی تقسیم کو لے کر وہ ناراض چل رہی تھیں۔ اسی ناراضگی کے باعث انہوں نے شرد پوار کا ساتھ چھوڑ دیا۔بتایا جا رہا ہے کہ راکھی جادھو نے شرد پوار کو 52 ممکنہ امیدواروں کی فہرست دی تھی۔ ان کا ماننا تھا کہ اتحاد میں این سی پی (ایس پی) کو کم از کم 30 سیٹیں ضرور ملنی چاہئیں، لیکن ایسا نہیں ہو سکا۔ اسی بات پر انہوں نے سینئر قیادت پر یہ الزام بھی لگایا کہ زیادہ سیٹیں حاصل کرنے کی سنجیدہ کوشش نہیں کی گئی۔
اب راکھی جادھو کا اگلا قدم کیا ہوگا؟
ذرائع کے مطابق راکھی جادھو کو بی جے پی گھاٹ کوپر سے ٹکٹ دے سکتی ہے۔ تاہم یہ بھی خدشہ ظاہر کیا جا رہا ہے کہ جس وارڈ سے بھی انہیں ٹکٹ دیا گیا، وہاں بی جے پی کے مقامی کارکن بغاوت کر سکتے ہیں۔ اس طرح بی ایم سی انتخابات سے پہلے بی جے پی کے اس فیصلے سے پارٹی کے اندرونی اختلافات بھی سامنے آ سکتے ہیں۔
بھارت ایکسپریس اردو
شری رام جنم بھومی تیرتھ شیتر ٹرسٹ کے صدر مہنت نرتیہ گوپال داس جی مہاراج…
عمران خان کے بیٹے قاسم خان نے سوشل میڈیا پلیٹ فارم ایکس پر یہ خط…
کانگریس کی سینئر رہنما نے کہا کہ ان کے خاندان کے بارے میں بے بنیاد…
سونیا گاندھی نے کہا کہ کتاب کو قارئین کی جانب سے ملنے والی محبت اور…
اس سے قبل دن میں امت شاہ نے مہاراشٹر کے پونے میں بھارتیہ جین سنگھٹنا…
فلپائن میں مقیم ہندوستانی برادری نے وزیر اعظم نریندر مودی کے منیلا دورے پر خوشی…