Meeting at Rahul Gandhi’s house: راہل گاندھی کے گھر پر آج اپوزیشن کی بڑی میٹنگ، انتخابی دھاندلی اور آپریشن سندور سمیت کئی امور پر ہوگی بات چیت

نئی دہلی: اپوزیشن جماعتوں کے انڈیا الائنس (انڈین نیشنل ڈیولپمنٹل انکلوسیو الائنس) کی ایک اہم میٹنگ آج کانگریس کے رکن پارلیمنٹ اور لوک سبھا میں اپوزیشن لیڈر راہل گاندھی کی رہائش گاہ پر ہونے جا رہی ہے۔ یہ میٹنگ رات کے کھانے کے دوران ہوگی اور اس میں ملک کی موجودہ سیاسی صورتحال پر کئی سنجیدہ امور پر تبادلہ خیال کیا جائے گا۔

کیا ہے میٹنگ کا مقصد؟

میٹنگ کا بنیادی مقصد 2024 کے لوک سبھا انتخابات میں مبینہ دھاندلی، الیکشن کمیشن کے کردار اور مرکزی حکومت کے جوابدہی پر حکمت عملی بنانا ہے۔ راہل گاندھی نے کچھ دن پہلے کہا تھا کہ تقریباً 70 سے 80 سیٹوں پر دھاندلی کا امکان ہے۔ انہوں نے یہ بھی کہا تھا کہ اگر تقریباً 15 سیٹوں پر بھی انتخابات صحیح طریقے سے کرائے جاتے تو بی جے پی مرکز میں دوبارہ حکومت نہیں بنا پاتی۔

پرینکا چترویدی نے مرکز پر کیا حملہ

قیاس کیا جا رہا ہے کہ لوک سبھا میں اپوزیشن لیڈر کے گھر میں ہونے والی میٹنگ میں اسپیشل انٹینسیو ریویو (SIR) عمل، مہاراشٹر میں فرضی ووٹروں کو شامل کرنے کا معاملہ، آپریشن سندور، ہندوستان-امریکہ تجارتی معاہدہ اور صدر ڈونالڈ ٹرمپ کے ٹیرف بم جیسے مسائل اٹھائے جا سکتے ہیں۔ شیوسینا (یو بی ٹی) لیڈر پرینکا چترویدی نے مرکزی حکومت پر حملہ کرتے ہوئے کہا کہ حکومت پہلگام دہشت گردانہ حملے اور آپریشن سندور پر کوئی جوابدہی نہیں دکھا رہی ہے۔

میٹنگ میں کئی بڑے لیڈر ہوں گے شامل

جانکاری کے مطابق شرد پوار، تیجسوی یادو، عمر عبداللہ، ہیمنت سورین، ادھو ٹھاکرے اور فاروق عبداللہ جیسے بڑے لیڈر میٹنگ میں شرکت کر سکتے ہیں۔ فاروق عبداللہ نے وضاحت کی ہے کہ وہ بہار کے ایس آئی آر عمل پر بات کریں گے جس کا استعمال بی جے پی-جے ڈی یو اتحاد کی جیت کو یقینی بنانے کے لیے کیا جا رہا ہے۔

اس وجہ سےاہم ہے میٹنگ

اپوزیشن کی آئندہ کی حکمت عملی طے کرنے کے حوالے سے یہ میٹنگ انتہائی اہم سمجھی جا رہی ہے۔ سب کی نظریں اس پر لگی ہوئی ہیں کہ اپوزیشن کوئی ٹھوس قدم اٹھائے گی یا یہ صرف ایک رسمی بحث ہی رہ جائے گی۔

بھارت ایکسپریس۔