Delhi Election Result 2025: پنجاب میں کانگریس ایم ایل اے پرتاپ باجوہ کا بڑا دعوی، ’AAP کے30 ایم ایل اے ہمارے رابطے میں‘

Delhi Election Result 2025: جیسے ہی عام آدمی پارٹی دہلی اسمبلی میں اقتدار سے ہاتھ دھو بیٹھی، پنجاب میں بھی اس کو لے کر طرح طرح کے دعوے کیے جا رہے ہیں۔ کانگریس کے سینئر لیڈر اور پنجاب میں اپوزیشن لیڈر پرتاپ باجوہ نے کہا کہ AAP کے 30 ایم ایل اے ان کی پارٹی سے رابطے میں ہیں۔ تاہم جب کانگریس کے ایم ایل اے پرگٹ سنگھ سے اس بارے میں پوچھا گیا تو انہوں نے کہا کہ اس معاملے پر صرف پرتاپ باجوہ ہی تبصرہ کرسکتے ہیں۔

پرتاپ باجوہ نے دہلی میں عام آدمی پارٹی کی شکست پر کہا کہ اروند کیجریوال اور پنجاب کے وزیر اعلی بھگونت مان نے پنجاب میں بڑے بڑے وعدے کیے تاکہ پنجابیوں کو بے وقوف بنایا جائے اور 2022 میں ان کے ووٹ حاصل کیے جائیں۔ عآپ نے ابھی تک خواتین کو ماہانہ 1000 روپے نہیں دیے۔

بی جے پی پنجاب میں واپسی نہیں کر پائے گی: پرگٹ سنگھ

دہلی میں بی جے پی نے 48 سیٹیں جیتی ہیں۔ اے اے پی کو نشانہ بناتے ہوئے پرگٹ سنگھ نے کہا کہ وہ دہلی ماڈل پر مختلف سیاست کرنے کے لیے اقتدار میں آئے تھے لیکن ان کا دہلی ماڈل اب فلاپ ہو گیا ہے۔ پنجاب میں بی جے پی کی اقتدار میں واپسی کے بارے میں پرگٹ سنگھ نے کہا کہ بی جے پی کے لیے پنجاب اور مغربی بنگال میں اقتدار میں واپسی مشکل ہے کیونکہ یہ وہ دو ریاستیں ہیں جہاں پہلے کانگریس اقتدار میں نہیں تھی اور بی جے پی اقتدار میں تھی لیکن بی جے پی دونوں ریاستوں میں ضرور کوشش کر رہی ہے لیکن ان کے لیے اقتدار میں واپسی مشکل ہے۔

یہ بھی پڑھیں- New Chief Minister of Delhi : دہلی والوں کو نئے وزیراعلیٰ کیلئے ایک ہفتے کا کرنا ہوگا انتظار،پی ایم مودی کے امریکہ فرانس دورے سے واپسی پر ہوگی حلف برداری

بھگونت مان پہلے ہی کنٹرولڈ سی ایم ہیں – پرگٹ سنگھ

پرگٹ سنگھ نے کہا کہ دونوں ریاستوں کی عوام بی جے پی کو پسند نہیں کرتی۔ کانگریس کے سینئر لیڈر پرتاپ باجوہ نے بھی بیان دیا ہے کہ اروند کیجریوال پنجاب میں وزیر اعلی بھگونت مان کی جگہ وزیر اعلی بننے کی کوشش کریں گے۔ اس معاملے کے بارے میں پرگٹ سنگھ نے کہا کہ بھگونت مان پہلے ہی وزیر اعلیٰ نہیں ہیں، بلکہ وہ پہلے سے ہی کنٹرولڈ وزیر اعلیٰ ہیں۔ انہوں نے کہا کہ بھگونت مان پر پیچھے سے دہلی کا کنٹرول ہے۔

-بھارت ایکسپریس