NIA Raid: خالصتان گینگسٹر نیٹ ورک پر این آئی کی بڑی کارروائی، پنچاب، یوپی دہلی سمیت 6 ریاستوں میں50سے زائدٹھکانوں پر ریڈ

خالصتانیوں اور  گینگسٹر  کے نیٹ ورک کو ختم کرنے کے لیے این آئی اے کی کارروائی جاری ہے۔ پنجاب کے تمام اضلاع میں چھاپوں کے بعد اب این آئی اے نے دہلی-این سی آر، پنجاب، راجستھان، ہریانہ سمیت ملک بھر میں 50 سے زیادہ مقامات پر بیک وقت چھاپے کی کارروائی کی گئی ہے ۔ ذرائع کے مطابق این آئی اے کے حالیہ چھاپے کے دوران جانچ ایجنسی کو کچھ نئے ان پٹ ملے تھے۔ اس کے بعد کئی ریاستوں میں بیک وقت چھاپے مارے جا رہے ہیں۔ یہ چھاپے خالصتانی دہشت گردوں،  گینگسٹر اور منشیات کے ریکیٹ سے وابستہ ڈیلروں کے ٹھکانوں پر مارے جا رہے ہیں۔

  این آئی اے کو ان ریاستوں میں چھپے گینگسٹروں کے خالصتانی دہشت گردوں کے ساتھ تعلق کے ثبوت ملے ہیں۔ جس کے بعد یہ کارروائی کی گئی ہے۔ ان گینگسٹروں کو ان دہشت گردوں سے اسلحہ مل رہا ہے۔ جس کی اطلاع  ملنےپر این آئی اے نے چھاپے کی کارروائی کی۔

کئی ریاستوں میں گینگسٹر سرگرم ہیں

پچھلے گزشتہ مہینوں میں دہلی-این سی آر کے علاوہ یہ  گینگسٹر یوپی اور پنجاب-ہریانہ میں زیادہ سرگرم ہو گئے ہیں۔ ان گینگسٹر کو ملنے والی رقم پاکستان سے آنے والے منشیات اور خالصتانی دہشت گردوں سے ملتی ہے۔ اس کے علاوہ خالصتانی دہشت گردوں کے ذریعے انہیں اسلحہ بھی فراہم کیا جاتا ہے۔ ایسے میں یہ گینگسٹر ملک کی اندرونی سلامتی کے لیے بڑا خطرہ بن سکتے ہیں۔

منشیات کے ریکیٹ کی کمر توڑنے کی تیاری

این آئی اے نے منشیات کے ریکیٹ کی کمر توڑنے کی پوری تیاری کر لی ہے۔ ماضی قریب میں پنجاب کے علاوہ دہلی، ہریانہ اور اتر پردیش میں بھی ان ڈیلرز نے کئی مقامات پر اپنے قدم جما لیے ہیں۔ این آئی اے کو  مسلسل معلومات مل رہی تھیں۔ اب ان کے خلاف  بڑی کارروائی کی گئی ہے۔  گینگسٹر کو ان دنوں پیسوں کی زیادہ ضرورت ہے۔ اس کے لیے پاکستان سے آنے والی منشیات کو ملک کے کئی مقامات پر پہنچایا جا رہا ہے اور انہیں فروخت کر کے اسلحہ خریدا جا رہا ہے۔ حال ہی میں فوج نے سرحد کے قریب ڈرون کے ذریعے منشیات کی سپلائی کی کئی کوششوں کو ناکام بنا دیا تھا۔

بھارت ایکسپریس