بھوپال کے رانی کملا پتی ریلوے اسٹیشن احاطے میں ایک کارمیں شراب پی رہے لوگوں کوروکنے کی کوشش کرنے پرایک جی آرپی سپاہی کی بری طرح پٹائی کی گئی اوراس کی وردی پھاڑدی گئی۔ حادثہ کا ویڈیوسوشل میڈیا پروائرل ہوگیا ہے، جس میں ایک سپاہی کی پٹائی کے بعد پھٹی ہوئی وردی میں گھومتے ہوئے دیکھا جاسکتا ہے۔ آپ کوبتادیں کہ کملاپتی ریلوے اسٹیشن پرایک مسلم ہیڈ کانسٹبل نذردولت خان کی بری طرح سے پٹائی صرف اس لئے کی گئی کیونکہ وہ مسلمان تھا۔ جی آرپی پولیس نے حادثہ میں معاملہ درج کرکے ایک ملزم کو گرفتارکرلیا ہے۔ وہیں، اب اس معاملے سے متعلق کانگریس نے برہمی کا اظہارکیا ہے۔
کانگریس ترجمان سپریا شری نیت نے کہا، ’’بھوپال میں ریلوے اسٹیشن کے باہرگاڑی میں کچھ لوگ شراب پی رہے تھے۔ جب کانسٹبل دولت خان نے انہیں وہاں سے ہٹنے کوکہا تویہ غنڈے دولت خان کو پیٹنے لگے اورجب دوسرے کانسٹبل کمل اپنے ساتھی کو بچانے کے لئے آئے تب غنڈوں نے کہا کہ تم ہندو ہو، ہٹ جاؤ۔‘‘ انہوں نے کہا، ’’یہ حال ہے اس ملک کا، جن غنڈوں کی پولیس کو دیکھ کرروح کانپنی چاہئے وہ ایک پولیس والے کو پیٹ رہے ہیں۔ ان جاہلوں کی اتنی ہمت صرف اس لئے کیونکہ پولیس والا مسلمان تھا۔‘‘
اس حادثہ پر پولیس نے کیا کہا؟
وہیں، اس حادثہ سے متعلق پولیس کا کہنا ہے کہ حادثہ کے بعد ایس یووی میں سوارہوکربھاگنے والے تین سے چارلوگوں کی پہچان ابھی نہیں ہوپائی ہے۔ ایس یو وی کے رجسٹریشن نمبرکی بنیاد پرملزمین کوجلد ہی پکڑلیا جائے گا۔ ویڈیو میں پٹتے ہوئے نظرآرہے ہیڈ کانسٹبل سمیت کچھ پولیس اہلکارآدھی رات کے آس پاس گشت کررہے تھے۔ کار میں شراب پی رہے لوگوں کودیکھ کر پولیس اہلکاروں نے انہیں روکا۔ تنازعہ شروع ہوگیا اورکارمیں سوارنوجوانوں نے پولیس اہلکاروں کو پیٹنا شروع کردیا۔ جب دیگرپولیس اہلکاروں نے بیچ بچاؤکرنے کی کوشش کی تو شرابی نوجوانوں نے انہیں روک دیا۔ ریلوے اسٹیشن کے باہراحاطے میں کچھ دیرتک یہ واقعہ چلتا رہا۔
کلیدی ملزم ہے فرار
پورے حادثہ کی ویڈیوریکارڈنگ کی گئی اورکچھ ہی دیرمیں یہ سوشل میڈیا پروائرل ہوگیا۔ بعد میں پیٹے گئے ہیڈ کانسٹبل کی شکایت پر معاملہ درج کیا گیا۔ موقع سے ایک نوجوان کوپکڑلیا گیا ہے، جبکہ اہم ملزم فرارہوگیا اورپولیس نے اسے جلد ہی پکڑنے کا دعویٰ کیا۔ سوشل میڈیا پر حادثہ کے وائرل ہونے کے بعد سینئرپولیس افسران نے معاملے کا ازخود نوٹس لیا اورفرارملزمین کوجلد ہی پکڑنے کی ہدایت دی۔
این ویڈیا کے سابق سربراہ نے بورڈ کی آزادانہ تحقیقات میں تعاون کا یقین دلایا،…
وزیراعظم مودی نے اہم معدنیات اور کان کنی کے شعبے میں مضبوط سپلائی چین قائم…
کواڈ کا قیام 2007 میں عمل میں آیا تھا، جبکہ 2017 میں اس کے درمیان…
منیلا میں کواڈ اجلاس سے خطاب کرتے ہوئے وزیر اعظم نے اس شہر کے ساتھ…
سرمایہ کاروں کو ہر ہفتے 6 سے 11 فیصد منافع دینے کا لالچ دے کر…
چیف جسٹس سوریہ کانت کی سربراہی والی بنچ نے راہل گاندھی اور دیگر درخواست گزاروں…