قومی

NSUI National Secretary Ritu Barala: ریتو برالا معاملہ، ایف آئی آر کے مطالبے پر آدھی رات کو کانگریس کے دھرنے میں پہنچے اشوک گہلوت،جانئے کیا ہے پورا معاملہ؟

نئی دہلی : دہلی میں حال ہی میں ہوئے ایک احتجاج کے دوران نیشنل اسٹوڈنٹس یونین آف انڈیا (این ایس یو آئی) کی قومی سکریٹری ریتو برالا پر مبینہ حملے کے معاملے میں کانگریس پارٹی ایف آئی آر درج کرنے کا مطالبہ کر رہی ہے۔ اسی سلسلے میں راجستھان کانگریس کے صدر گووند سنگھ ڈوٹاسرا کی قیادت میں کانگریس کا ایک وفد جے پور پولیس کمشنریٹ پہنچا اور رات بھر وہاں بیٹھا رہا۔کانگریس عہدیداروں کا کہنا ہے کہ جب تک ایف آئی آر درج نہیں کی جاتی، وہ وہاں سے نہیں اٹھیں گے۔ شام ہوتے ہوتے راجستھان کے سابق وزیر اعلیٰ اور کانگریس لیڈر اشوک گہلوت بھی اس وفد میں شامل ہوگئے۔ تاہم، ڈوٹاسرا اور دیگر پارٹی لیڈروں کے گھر جاکر آرام کرنے کی درخواست پر وہ اپنی رہائش گاہ واپس لوٹ گئے۔ دوسرے لیڈروں کے رات بھر وہاں نہ رکنے کی ویڈیو بھی سامنے آئی ہے۔

اشوک گہلوت نے کہا، دباؤ میں کام کر رہی ہے پولیس

راجستھان کے سابق وزیر اعلیٰ اشوک گہلوت نے اس معاملے کو اٹھاتے ہوئے الزام لگایا کہ جے پور پولیس حکومت کے دباؤ میں کام کر رہی ہے۔ ان کے مطابق، پولیس پر کتنا دباؤ ہے، اس کا تصور بھی نہیں کیا جاسکتا۔گہلوت نے کہا، ’’خاص طور پر خواتین سے متعلق معاملات میں کسی بھی واقعے کے سلسلے میں زیرو ایف آئی آر درج کی جاسکتی ہے۔ خواتین کے لیے خصوصی انتظام ہے کہ اگر ان کے ساتھ ایسا کوئی واقعہ پیش آتا ہے تو وہ ملک کے کسی بھی حصے میں ایف آئی آر درج کرا سکتی ہیں۔‘‘انہوں نے مزید کہا، ’’آپ کو کچھ نہیں کرنا ہے، بس اسے متعلقہ تھانے کو بھیج دینا ہے۔ اگر حکومت یہ بھی نہیں کرسکتی تو پھر اسے اس معاملے کی جانچ کرنے کی بھی ضرورت نہیں ہے۔ اب ہم کیا کہیں؟ اس کی مذمت کریں یا انہیں کیا کہیں؟ پولیس کمشنر ملاقات کے لیے دستیاب نہیں ہیں اور ڈی جی پی دباؤ میں کام کر رہے ہیں۔‘‘گہلوت نے دعویٰ کیا کہ راجستھان میں پولیس کی صورت حال خراب ہوچکی ہے۔ ان کے مطابق، حالیہ بلدیاتی انتخابات کے دوران بھی یہ صورت حال واضح طور پر دیکھنے کو ملی۔

کیا ہے ریتو برالا کا معاملہ؟

دراصل، 13 اکتوبر کو دہلی کے راجیو چوک میٹرو اسٹیشن کے گیٹ نمبر 7 کے قریب احتجاج کے دوران دہلی پولیس نے این ایس یو آئی کے کارکنوں کو حراست میں لیا تھا۔ ریتو برالا کا الزام ہے کہ اس دوران خاتون پولیس اہلکاروں نے ان کے ساتھ مارپیٹ کی اور تھانے میں بھی انہیں لاٹھی سے پیٹا۔ریتو برالا راجستھان کے جھنجھنو ضلع کی رہنے والی ہیں اور گزشتہ کچھ دنوں سے جے پور میں مقیم ہیں۔ پیر کے روز انہوں نے جے پور کے موتی ڈونگری پولیس اسٹیشن میں درخواست دے کر اپنے ساتھ پیش آنے والے واقعے کے سلسلے میں زیرو ایف آئی آر درج کرنے کا مطالبہ کیا تھا، لیکن پولیس نے ایف آئی آر درج کرنے سے انکار کردیا۔

راہل گاندھی کی ہدایت کے بعد سرگرم ہوئی کانگریس

اس معاملے کے بعد کانگریس لیڈر راہل گاندھی نے راجستھان کانگریس کے صدر گووند سنگھ ڈوٹاسرا کو فون کرکے اس معاملے میں احتجاج کرنے کے لیے کہا۔ اس کے بعد کانگریس لیڈر سرگرم ہوگئے اور انہوں نے پہلے پولیس کمشنر سے ملاقات کی۔دہلی پولیس کے خلاف شکایت پر ایف آئی آر درج نہ ہونے کے خلاف کانگریس لیڈروں نے احتجاج کیا۔ بعد ازاں، انہوں نے جے پور پولیس کمشنریٹ کے باہر دھرنا شروع کردیا۔ کانگریس کا مطالبہ ہے کہ ریتو برالا کی شکایت پر ایف آئی آر درج کی جائے اور معاملے میں کارروائی کی جائے۔

بھارت ایکسپریس اردو

Abu Danish Rehman

Recent Posts

آئی پی ایل 2027 آکشن سے پہلے سوریہ کمار یادو کو ملی ممبئی کی کپتانی، 16 رکنی ٹیم کا اعلان، جانئے پوری تفصیل

سوریہ کمار کو یادو کو کپتانی کا کافی تجربہ ہے۔ سوریہ کمار کی کپتانی میں…

8 hours ago

جنوبی افریقہ ٹسٹ، ونڈے اور ٹی-20 سیریز کے لئے ٹیم انڈیا کا اعلان، 9 دسمبر سے دورے کا آغاز، یہاں دیکھیں پوری تفصیل

جنوبی افریقہ دورے پرہندوستانی ٹیم ایک ٹسٹ میچ، تین ونڈے اور تین ٹی-20 میچوں کی…

9 hours ago

PT Usha IOA Elections: آئی او اے انتخابات سے پہلے پی ٹی اوشا کو جھٹکا، میرٹ اسپورٹس پرسن زمرے میں نہیں مل سکی جگہ

چھ امیدواروں کے درمیان مقابلے میں چار خواتین نمائندوں کا انتخاب، اب 5 دسمبر کو…

9 hours ago