NSE-Cyprus Stock Exchange: آشیش چوہان نے NSE-Cyprus Stock Exchange معاہدے کی تعریف کرنے پر وزیر اعظم مودی کا ادا کیا شکریہ

ممبئی نیشنل اسٹاک ایکسچینج (این ایس ای) کے منیجنگ ڈائریکٹر اور سی ای او آشیش کمار چوہان نے پیر کو وزیر اعظم نریندر مودی کا گجرات انٹرنیشنل فائنانس ٹیک سٹی (گفٹ سٹی) کے این ایس ای اور سائپرس اسٹاک ایکسچینج کے درمیان معاہدے کی تعریف کرنے پر شکریہ ادا کیا۔ واضح رہے کہ قبرص میں بزنس گول میز میٹنگ میں پی ایم مودی نے گفٹ سٹی کو ایک ابھرتے ہوئے عالمی مالیاتی مرکز کے طور پر اجاگر کیا۔

سوشل میڈیا پلیٹ فارم X پر ایک پوسٹ میں آشیش چوہان نے لکھا ’’قبرص میں کاروباری برادری کے ساتھ بات چیت کرنے اور گفٹ سٹی میں سائپرس اسٹاک ایکسچینج-NSE انٹرنیشنل ایکسچینج کے درمیان معاہدے کی تعریف کرنے کے لیے وزیر اعظم نریندر مودی کا شکریہ۔‘‘ پی ایم مودی نے اس دوران مضبوط اقتصادی تعلقات کی طرف ایک اہم قدم کے طور پر ہندوستان- قبرص- یونان بزنس اینڈ انویسٹمنٹ کونسل کے قیام کی بھی تعریف کی۔

پی ایم مودی کا دورہ قبرص

ہندوستان-قبرص سی ای او فورم میں ہندوستان کی تیز رفتار اقتصادی ترقی اور بے پناہ صلاحیت کو اجاگر کرتے ہوئے وزیر اعظم مودی نے کہا کہ ہندوستان دنیا کی پانچویں سب سے بڑی معیشت بن گیا ہے اور اب جلد ہی تیسری سب سے بڑی عالمی معیشت بننے کے راستے پر گامزن ہے۔ وزیر اعظم مودی نے ہندوستان کی بڑھتی ہوئی اقتصادی طاقت اور مستقبل کے بنیادی ڈھانچے کی ترقی پر ملک کی توجہ کو بھی اجاگر کیا۔

وزیر اعظم مودی نے نئے مینوفیکچرنگ مشن، بحری اور بندرگاہ کی ترقی، جہاز سازی اور تیزی سے بڑھتی ہوئی شہری ہوا بازی سمیت اہم شعبوں کی توسیع پر بھی روشنی ڈالی۔ ایک سرکاری بیان کے مطابق، NIPL (NPCI International Payments Limited) اور Eurobank Cyprus نے دونوں ممالک کے درمیان سرحد پار ادائیگیوں کے لیے UPI شروع کرنے پر اتفاق کیا ہے، جس سے سیاحوں اور کاروبار کو فائدہ پہنچے گا۔

بھارت ایکسپریس اردو