بھارت ایکسپریس۔
اے آئی ایم آئی ایم کے سربراہ اسدالدین اویسی۔ (فائل فوٹو)
Asaduddin Owaisi Speech: لوک سبھا الیکشن 2024 سے متعلق سیاسی جماعتوں نے سیاسی ماحول تیار کرنا شروع کردیا ہے۔ اس میں ذات پات سے متعلق ماحول بھی شامل ہے۔ اس درمیان آل انڈیا مجلس اتحاد المسلمین (اے آئی ایم آئی ایم) کے سربراہ اسدالدین اویسی نے کانگریس پارٹی کو اس کے نظریے کے پیش نظرنصیحت دی ہے۔ اس کے ساتھ ہی انہوں نے ہندتوا کے نظریے کوزہرقراردیا ہے۔
اسدالدین اویسی نے کانگریس کولوک سبھا الیکشن 2024 اورتلنگانہ اسمبلی انتخابات کے لئے نصیحت دی ہے۔ انہوں نے اپنے بیان میں کانگریس کواپنا نظریہ واضح کرنے کے لئے کہا۔ اے آئی ایم آئی ایم رکن پارلیمنٹ نے جمعرات (15 جون) کواپنے آفیشیل ٹوئٹرہینڈل سے اپنے بیان کا ایک ویڈیوجاری کیا۔
کانگریس بننا چاہتی ہے ہندتوا کی لیڈر: اویسی
حیدرآباد کے رکن پارلیمنٹ اسدالدین اویسی نے کہا، ”بہت سے لوگوں کو بڑی امید ہے کہ کانگریس پارٹی کچھ کرے گی۔ ہم بھی امید کرتے ہیں کہ کروآپ، ہم نہیں روکنا چاہتے آپ کو۔ مگرآپ یہ بتاؤ کہ آپ کا مقابلہ یہ ہوگا کہ مودی سے بڑا ہندتوا کے نظریے کا لیڈرمیں ہوں۔ زہرکا مقابلہ زہرسے کریں گے تو سب مرجائیں گے۔
تلنگانہ میں 100 رام مندر بنوائے گی کانگریس: اویسی
آل انڈیا مجلس اتحاد المسلمین کے سربراہ اویسی نے کانگریس کو نصیحت دیتے ہوئے مزید کہا، ”اندھیرے کا مقابلہ اندھیرے سے کریں گے تو ہمیشہ کے لئے اندھیرا ہوجائے گا۔ آپ ظلم کا مقابلہ کیسے کریں گے۔ آپ بتائیں گے کہ میں بھی ویسا رہوں گا۔ کانگریس پارٹی تلنگانہ میں بولتی ہے کہ اگرہم کواکثریت ملی توہم 100 اسمبلی انتخابات میں 10 کروڑ کی لاگت سے رام مندربنوائیں گے۔”
تلنگانہ اسمبلی الیکن سے پہلے ہو رہی ہے زور آزمائش
لوک سبھا الیکشن 2024 سے پہلے تلنگانہ میں اسی سال کے آخرمیں اسمبلی انتخابات ہونے ہیں۔ اسدالدین اویسی کی پارٹی تلنگانہ میں اپنا پورا زورلگا رہی ہے اورمسلم اکثریتی سیٹوں کے ساتھ ہی دیگرسیٹوں پر بھی اپنی موجودگی درج کرا رہی ہے۔ تلنگانہ اسمبلی الیکشن میں وزیراعلیٰ کے سی آر کی بی آرایس، کانگریس، بی جے پی اوراے آئی ایم آئی ایم انتخابی میدان میں ہوں گی۔
بھارت ایکسپریس۔
گولڈن کے اہل خانہ قتل کی بڑی وجہ زمینی تنازعہ بتا رہے ہیں۔ اہل خانہ…
دراصل مہوا پر سوشل میڈیا سائٹ ایکس پر اپنی پوسٹ میں قومی خواتین کمیشن کی…
چیف جسٹس کا کہنا ہے کہ والدین کے اصرار پر موسیقی سیکھنا شروع کی۔ انہوں…
کھیلوں کی طرح قسمت بھی زندگی میں اہم کردار ادا کرتی ہے۔ دھونی کی اپنے…
یہ واقعہ 29 جون کی سہ پہر پیش آیا۔ ’روبوٹ سپروائزر‘ سٹی کونسل کی عمارت…
اصلاح پسند مسعود پزشکیان نے کو قدامت پسند امیدوار سعید جلیل کو شکست دیتے ہوئے…