Army Chief Explains Pakistan’s Narrative Management: پاکستان میں یہ بیانیہ چلا کر بھرم پھیلایا گیا کہ ہمارے آرمی چیف کو فیلڈ مارشل بنایا گیا ہے اس لئے ہم جنگ جیت گئے:جنرل دیویدی

بھارتی آرمی چیف جنرل اوپیندر دیویدی نے ہفتے کے روز پاکستان کے فیلڈ مارشل عاصم منیر کو نشانہ بناتے ہوئے کہا کہ بیانیہ انتظام جنگ میں اہم کردار ادا کرتا ہے۔ آئی آئی ٹی مدراس میں خطاب کرتے ہوئے انہوں نے کہا کہ اگر آپ کسی پاکستانی سے پوچھیں گے کہ آپ جیتے یا ہارے تو وہ کہے گا کہ میرا آرمی چیف فیلڈ مارشل بن گیا ہے، ہم جیت گئے ہوں گے، اسی لیے وہ فیلڈ مارشل بنے۔

جنرل دیویدی کا بیان حکومت پاکستان کے اس فیصلے پر تھا، جس میں پاکستانی آرمی چیف عاصم منیر کو فائیو اسٹار جنرل اور فیلڈ مارشل کے عہدے پر ترقی دے دی گئی ہے۔ انہوں نے کہا کہ 22 اپریل کو پہلگام میں ہوئے دہشت گردانہ حملے نے پورے ملک کو ہلا کر رکھ دیا تھا۔ اگلے روز 23 اپریل کو اعلیٰ سیاسی و عسکری قیادت کا اہم اجلاس ہوا۔ انہوں نے کہاکہ یہ پہلا موقع تھا جب وزیر دفاع راج ناتھ سنگھ نے واضح طور پر کہا – بہت ہو گیا۔

آرمی چیف کا مزید کہنا تھا کہ تینوں افواج کے سربراہان نے اتفاق کیا کہ کوئی بڑا قدم اٹھانا ضروری ہے۔ انہوں نے کہا، ‘ہمیں مکمل فری ہینڈ دیا گیا، ‘آپ فیصلہ کریں کہ کیا کرنا ہے۔ ان کا کہنا تھا کہ ’یہ وہ اعتماد، سیاسی سمت اور وضاحت تھی جو ہم نے پہلی بار دیکھی۔ جنرل دیویدی کے مطابق اس طرح کی واضح سیاسی حمایت سے فوجیوں کے حوصلے بلند ہوتے ہیں۔ ان کا کہنا تھا کہ ’یہی وجہ تھی کہ ہمارے فوجی کمانڈر زمین پر جا کر اپنی صوابدید کے ساتھ قدم اٹھا سکتے تھے۔

انہوں نے کہا کہ آپریشن سندور گرے زون میں ہوا جو کہ غیر متوقع تھا اور روایتی فوجی مقابلے سے تھوڑا کم تھا۔ ہم نے آپریشن سندور میں جو کچھ کیا وہ شطرنج کھیلنے جیسا تھا۔ اس کا مطلب یہ ہے کہ ہم نہیں جانتے تھے کہ دشمن کیا کرنے جا رہا ہے اور ہم کیا کرنے جا رہے ہیں۔ یہ ایک گرے زون تھا۔ ان کا مزید کہنا تھا کہ گرے زون کا مطلب ہے کہ ہم کوئی روایتی آپریشن نہیں کر رہے بلکہ ہم کچھ ایسا کر رہے ہیں جو روایتی آپریشن سے تھوڑا کم ہے۔

آرمی چیف نے کہا کہ 25 اپریل تک ناردرن کمانڈ نے 9 منصوبہ بند اہداف میں سے 7 اہم مقامات پر حملے کی تیاری کر لی تھی اور کئی دہشت گردوں کو ہلاک کر دیا تھا۔ انہوں نے کہا کہ آپریشن سندور اُڑی اور بالاکوٹ جیسے پہلے آپریشنز سے مختلف تھا۔انہوں نے بتایا کہ اڑی آپریشن کے دوران واضح پیغام دینے کے لیے لانچ پیڈز کو نشانہ بنانے پر توجہ دی گئی۔ 2019 کے بالاکوٹ حملوں کا مقصد جوابی کارروائی کے طور پر پاکستان کے اندر تربیتی کیمپوں کو نشانہ بنانا تھا۔ جبکہ آپریشن سندور وسیع اور گہرا تھا، حملہ دشمن کے علاقے میں اور بھی گہرائی میں کیا گیا۔

بھارت ایکسپریس۔