Anurag Thakur On Wrestlers Protest: احتجاج کر رہے پہلوانوں کو وزیر کھیل نے ڈنر پر بلایا، کہا- الزامات سنگین ہیں، کارروائی ہوگی

Sports Minister Anurag Thakur On Wrestlers Allegations: بھارتیہ کشتی فیڈریشن کے صدر اور بی جے پی رکن پارلیمنٹ برج بھوشن شرن سنگھ (Brij bhushan sharan singh) پر پہلوانوں نے سنگین الزام لگائے۔ اس کے بعد سے ماحول گرم ہے۔ اس معاملے میں اب وزیر کھیل انوراگ ٹھاکر کا ردعمل سامنے آیا ہے۔ انہوں نے پہلوانوں کے الزامات پر کارروائی کرنے کی یقینی دہانی کراتے ہوئے احتجاج کرنے والے پہلوانوں کو ڈنر (عشائیہ) پر مدعو کیا ہے۔ ساتھ ہی فیڈریشن کو نوٹس بھی بھیجا ہے۔

پہلوانوں کے دھرنے پر بیٹھنے کے بعد انوراگ ٹھاکر نے چنڈی گڑھ میں صحافیوں سے بات کرتے ہوئے کہا کہ جو الزامات لگے ہیں، وہ سنگین ہیں، اس کا نوٹس لیتے ہوئے وزارت کھیل ہندوستانی کشتی فیڈریشن کو نوٹس دیا ہے اور 72 گھنٹے کے اندر جواب مانگا ہے۔ جو کیمپ لگنا تھا، اسے آگے کے لئے ملتوی کردیا گیا ہے۔ میری کوشش ہے کہ میں واپس جاکر کھلاڑیوں سے ملون گا اور مناسب کارروائی کی جائے گی۔

کھلاڑیوں سے کریں گے ملاقات

وزیر کھیل انوراگ ٹھاکرنے اپنی بات رکھتے ہوئے کہا کہ ابھی وہ یہاں پر ہیں اور دہلی جاتے ہی کھلاڑیوں سے ملاقات کریں گے۔ انہوں نے کہا کہ  ‘کھلاڑیوں کی بات سنی جائے گی۔ کافی سنگین الزام کھلاڑیوں نے لگائے ہیں۔ ہم اپنے سبھی پروگرام چھوڑ کر دہلی واپس جا رہے ہیں اور کھلاڑیوں سے ملاقات کریں گے’۔ انہوں نے کہا کہ ان کی بات سنی جائے گی اور پھر آگے کی کارروائی کی جائے گی۔  انوراگ ٹھاکر نے کہا کہ کھیل اور کھلاڑیوں کے لئے ہم لوگ لگے رہتے ہیں۔

یہ بھی پڑھیں:  Brijbhushan Singh-Bajrang Punia Controversy: بجرنگ پونیا کا بڑا دعویٰ- ‘بیرون ملک بھاگ سکتے ہیں کشتی فیڈریشن کے صدر برج بھوشن سنگھ’

یہ ہے پورا معاملہ

بجرنگ پونیا، ونیش پھوگاٹ، ساکشی ملک جیسے اسٹار پہلوانوں سمیت 30 پہلوان دہلی کے جنتر منتر پر 18 جنوری سے احتجاج کر رہے ہیں۔ ان پہلوانوں نے ہندوستانی کشتی فیڈریشن کے صدر برج بھوشن سنگھ اور کئی کوچوں کے خلاف جنسی استحصال کا الزام لگایا ہے۔ ان الزامات اور احتجاج کے بعد آج وزارت کھیل اور پہلوانوں کے درمیان میٹنگ بھی ہوئی۔ حالانکہ احتجاج کر رہے پہلوان اس بات چیت سے مطمئن نہیں نظرآئے اور انہوں نے انصاف ملنے تک احتجاج جاری رکھنے کی بات کہی ہے۔