’’عوام ناراض ہے… نتیش کمار کو ووٹ دیا، سی ایم کسی اور کو بنا دیا…‘‘ بانکی پور میں بی جے پی کی ہار پر جے ڈی یو ایم ایل اے اننت سنگھ کا بڑا سوال

بی جے پی صدرنتین نبین کی سیٹ بانکی پورمیں بی جے پی کوزبردست شکست کا سامنا کرنا پڑا ہے۔ بانکی پورضمنی الیکشن کے نتائج پرجنتا دل یونائیٹیڈ (جے ڈی یو) کے رکن اسمبلی اننت کمارسنگھ کا بھی بیان سامنے آیا ہے۔ اننت سنگھ نے کہا کہ الیکشن میں کوئی بھی لیڈرنہ جیت حاصل کرتا ہے اورنہ ہارتا ہے۔ عوام جس کوجتاتی ہے، وہ جیت جاتا ہے۔ انہوں نے راجیہ سبھا رکن پارلیمنٹ اورسابق وزیراعلیٰ نتیش کمارسے متعلق کہا کہ عوام نے نتیش کمارکووزیراعلیٰ بنایا تھا۔

اننت سنگھ نے کہا-’’سبھی طرف نتیش کمارکی یہی بحث ہے کہ ہم نے (عوام) انہیں ووٹ دیا اورانہیں بیچ میں ہٹا دیا گیا۔ اس بات میں دم نہیں ہے۔ وہ اپنی مرضی سے ہٹے ہیں، لیکن عوام کے درمیان یہی بحث ہے کہ انہیں ہٹا دیا گیا۔ ابھی جہاں بھی الیکشن ہوگا، وہاں یہی حال ہوگا۔ عوام میں غصہ ہے کہ ہم نے وزیراعلیٰ کسے بنایا اورانہوں نے کس کو بنا دیا۔ عوام ناراض ہے کہ ہم لوگ کس کے نام پرووٹ دیتے ہیں اوربیچ میں وہ لوگ تبدیلی کرلیتے ہیں۔‘‘

اننت سنگھ نے کہا کہ گزشتہ الیکشن میں عوام نے نتیش کمارکے نام پرووٹ دیا تھا۔ عوام کے درمیان قیاس آرائی ہے کہ انہیں ہٹا دیا گیا۔ اس سے لوگ ناراض ہیں۔ حالانکہ انہوں نے یہ بھی کہا کہ نتیش کماراپنی مرضی سے ہٹے تھے، لیکن عوام کے درمیان غلط پیغام گیا۔

#WATCH पटना, बिहार। बांकीपुर उपचुनाव के नतीजों पर JD(U) विधायक अनंत कुमार सिंह ने कहा, “इसमें (चुनाव में) कोई भी नेता न जीतता है, न हारता है। जनता जिसको जिताती है, वो जीतता है।”

उन्होंने राज्यसभा सांसद नीतीश कुमार की गैरमौजूदगी पर कहा, “सभी तरफ नीतीश कुमार की यही चर्चा है कि… pic.twitter.com/0ft65hzymf

— ANI_HindiNews (@AHindinews) August 4, 2026

گری راج سنگھ نے کہا- مخالفین زیادہ خوش نہ ہوں

وہیں، بانکی پورضمنی الیکشن کے نتائج پرمرکزی وزیرگری راج سنگھ نے کہا، ’’ہم نتائج کوقبول کرتے ہیں، لیکن اس سے کسی کوبہت زیادہ خوش نہیں ہونا چاہئے۔ 2009 میں نتیش کمارکی قیادت میں این ڈی اے نے ضمنی الیکشن میں 17 سیٹوں پرالیکشن لڑا تھا۔ ہم 12 سیٹیں ہارگئے تھے، لیکن 2010 میں ہم نے 89 فیصد اسٹرائیک ریٹ کے ساتھ بہارمیں جیت حاصل کی تھی۔ اس لئے بہت سے لوگوں کوخوش نہیں ہونا چاہئے۔‘‘

#WATCH | Delhi: On Bankipur bypoll results, Union Minister Giriraj Singh says, “We accept the results, but no one should be overjoyed by this. In 2009, under the leadership of Nitish Kumar, the NDA contested 17 seats in by-elections. We lost 12 seats, but in 2010, we won Bihar… pic.twitter.com/1h9cWDoLFT

— ANI (@ANI) August 4, 2026

پرشانت کشورنے بی جے پی کو دیا بڑا جھٹکا

قابل ذکرہے کہ بانکی پورمیں بی جے پی کی زبردست شکست ہوئی ہے۔ ضمنی الیکشن میں جن سوراج پارٹی کے بانی پرشانت کشورنے 19,324 ووٹوں کے بڑے فرق سے اپنی پہلی انتخابی جیت حاصل کی ہے۔ یہ سیٹ 1995 سے بی جے پی کے پاس تھی اوراس سیٹ پربی جے پی کے قومی صدرنتن نبین مسلسل الیکشن جیتتے رہے۔ نتن نبین سے پہلے ان کے والد یہاں سے کئی باررکن اسمبلی رہے۔ مجموعی طورپر30 سال کے بعد بانکی پورکی سیٹ بی جے پی کے ہاتھ سے پھسل گئی۔

بھارت ایکسپریس اردو-