Amit Shah’s remarks show old mentality of BJP: بھیم راو امبیڈکر کے پوتے بھی امت شاہ کے بیان سے ناراض،کہا یہ بی جے پی کی پرانی ذہنیت ہے

ڈاکٹر بی آر امبیڈکر پر امت شاہ کے تبصرے پر تنازعہ کے درمیان، ان کے پوتے پرکاش امبیڈکر، جو ونچیت اگھاڑی پارٹی کے سربراہ ہیں، نے کہا کہ آئین کے بابا پر شاہ کے تبصرے بی جے پی کی ‘وہی پرانی ذہنیت’ کی عکاسی کرتے ہیں۔ پرکاش امبیڈکر نے کہا کہ بھگوا پارٹی ’بے چین رہے گی‘ کیونکہ وہ ڈاکٹر امبیڈکر کی وجہ سے ’اپنے منصوبوں کو پورا نہیں کرسکتی۔

پرکاش امبیڈکر نے کہا کہ بی جے پی کے وجود میں آنے سے پہلے، اس کے پیش رو جن سنگھ اور آر ایس ایس نے بابا صاحب کی مخالفت اس وقت  کی تھی جب آئین کو اپنایا جا رہا تھا۔پرکاش امبیڈکر نے اس بات پر زور دیا کہ شاہ کے بیان سے پتہ چلتا ہے کہ بی آر امبیڈکر کے بجائے بھگوان  کی تعظیم کرنی چاہئے، کیونکہ آئین کے بابا کا احترام کرنے کا مطلب اظہار رائے کی آزادی کو قبول کرنا ہے۔واضح رہے کہ یہ پورا معاملہ اس وقت سامنے آیا ہے جب انڈیا اتحاد کے متعدد ممبران پارلیمنٹ نے شاہ کے بیان کے خلاف پارلیمنٹ میں احتجاج کیا اور انہیں امبیڈکر کی توہین قرار دیا۔ کانگریس لیڈر جے رام رمیش نے بھی شاہ کے بیان کا ایک ویڈیو شیئر کیا، جس سے پارلیمنٹ میں ہنگامہ ہوا۔

 دراصل امت شاہ کو پارلیمنٹ میں یہ کہتے ہوئے سنا گیا کہ ابھی ایک فیشن ہو گیا ہے – امبیڈکر، امبیڈکر، امبیڈکر، امبیڈکر، امبیڈکر، امبیڈکر۔ اِتنا نام اگر بھگوان کالیتے تو سات جنموں تک سورگ مل جاتا۔امت شاہ کے اسی بیان پر ہنگامہ جاری ہے۔دریں اثنا، کانگریس نے مرکزی وزیر داخلہ امت شاہ کے استعفیٰ کا مطالبہ کرتے ہوئے آج (19 دسمبر) ملک گیر احتجاج کا اعلان کیا ہے۔ یہ پارلیمنٹ کے جاری سرمائی اجلاس کے دوران منگل کو راجیہ سبھا میں اپنی تقریر کے دوران ڈاکٹر بی آر امبیڈکر کے بارے میں کیے گئے متنازعہ بیان کے جواب میں آیا ہے۔

بھارت ایکسپریس۔