International Cooperative Day: بین الاقوامی یومِ تعاون پر وزیر داخلہ امت شاہ کا پیغام، ’تعاون سے خوشحالی‘ کے عزم پر دیا زور

بین الاقوامی یومِ تعاون کے موقع پر مرکزی وزیر داخلہ امت شاہ نے ملک کے عوام کو مبارک باد پیش کرتے ہوئے کہا ہے کہ تعاون صرف ایک نظام نہیں بلکہ بھارت کی ثقافت، اجتماعی طاقت اور خود انحصاری کی مضبوط بنیاد ہے۔ انہوں نے کہا کہ وزیر اعظم نریندر مودی کی قیادت میں تعاونی شعبے کو نئی توانائی اور وسعت ملی ہے، جس کے مثبت اثرات ملک بھر میں دیکھنے کو مل رہے ہیں۔امت شاہ نے سوشل میڈیا پر اپنے پیغام میں لکھا، ’’بین الاقوامی یومِ تعاون کی تمام اہلِ وطن کو دلی مبارک باد۔ تعاون بھارت کی ثقافت، اجتماعی قوت اور خود کفالت کی بنیاد ہے۔ وزیر اعظم نریندر مودی کی قیادت میں تعاونی شعبے کو نئی طاقت اور وسعت حاصل ہوئی ہے۔ چاہے تعاونی یونیورسٹی کا قیام ہو، جدید تربیتی مراکز ہوں یا نئے شعبوں میں تعاونی اداروں کو مضبوط بنانے کی کوششیں، یہ تمام اقدامات کسانوں، خواتین، چھوٹے کاروباری افراد اور مزدوروں کو بااختیار بناتے ہوئے ‘تعاون سے خوشحالی’ کے عزم کو آگے بڑھا رہے ہیں۔‘‘

अंतरराष्ट्रीय सहकारिता दिवस की सभी देशवासियों को हार्दिक शुभकामनाएं।

सहकारिता भारत की संस्कृति, सामूहिक शक्ति और आत्मनिर्भरता का आधार है। प्रधानमंत्री श्री @narendramodi जी के नेतृत्व में सहकारिता क्षेत्र को नई ऊर्जा और विस्तार मिला है। चाहे सहकारिता विश्वविद्यालय हो, आधुनिक… pic.twitter.com/JjXnV9tpZ5

— Amit Shah (@AmitShah) July 4, 2026

نچلی سطح پر عوام کو فائدہ

مرکزی وزیر داخلہ نے کہا کہ حکومت کی ان پالیسیوں اور اقدامات کا براہِ راست فائدہ معاشرے کے ان طبقات کو پہنچ رہا ہے جو ملکی معیشت کی ریڑھ کی ہڈی سمجھے جاتے ہیں۔ ان کے مطابق تعاونی اداروں کے مضبوط ہونے سے کسان، خواتین، چھوٹے تاجر اور مزدور معاشی طور پر خود مختار بن رہے ہیں۔

امت شاہ نے اس بات پر زور دیا کہ حکومت کا “تعاون سے خوشحالی” کا عزم اب بتدریج عملی شکل اختیار کر رہا ہے۔ ان کے مطابق یہ اقدامات نہ صرف روزگار کے نئے مواقع پیدا کر رہے ہیں بلکہ دیہی معیشت کو بھی نئی مضبوطی فراہم کر رہے ہیں، جس سے ملک میں جامع اور پائیدار ترقی کی راہ ہموار ہو رہی ہے۔

بھارت ایکسپریس اردو۔