Twelve years of Modi government: مودی حکومت کے 12 سال،بھارتی نوجوان ملازمت تلاش کرنے والے نہیں، روزگار پیدا کرنے والے بن گئے ہیں-امت شاہ

نئی دہلی :مرکزی وزیر داخلہ امت شاہ نے مودی حکومت کے 12 سال مکمل ہونے کے موقع پر نوجوانوں کی ترقی اور خودمختاری کو حکومت کی سب سے بڑی کامیابیوں میں شمار کرتے ہوئے کہا ہے کہ گزشتہ ایک دہائی کے دوران بھارت کے نوجوانوں کی سوچ اور کردار میں نمایاں تبدیلی آئی ہے۔ ان کے مطابق آج کا نوجوان صرف ملازمت تلاش کرنے والا نہیں بلکہ دوسروں کے لیے روزگار کے مواقع پیدا کرنے والا بن چکا ہے۔امت شاہ نے سوشل میڈیا پلیٹ فارم “ایکس” پر ایک پوسٹ کے ذریعے مودی حکومت کے 12 سالہ دورِ حکومت میں نوجوانوں کے لیے کیے گئے اقدامات اور ان کے نتائج کا ذکر کیا۔ انہوں نے کہا کہ وزیراعظم نریندر مودی کی قیادت میں تعلیم، ہنر مندی، اختراع (انوویشن) اور اسٹارٹ اپ کلچر کو فروغ دیا گیا، جس کے نتیجے میں (اے آئی) بھارت آج دنیا کا دوسرا سب سے بڑا اعلیٰ تعلیمی نیٹ ورک اور مصنوعی ذہانت  کے ماہرین کا ایک بڑا مرکز بن چکا ہے۔

मोदी जी ने बीते 12 वर्षों में शिक्षा, कौशल, नवाचार और स्टार्टअप की नई संस्कृति विकसित की है।

इससे भारत आज दूसरा सबसे बड़ा उच्च शिक्षा नेटवर्क, AI टैलेंट पूल और 2 लाख स्टार्टअप्स के साथ तीसरा सबसे बड़ा स्टार्टअप इकोसिस्टम बन चुका है। 6 करोड़ से अधिक युवाओं का स्किल डेवलपमेंट, 12… pic.twitter.com/CCnGJxVJPf

— Amit Shah (@AmitShah) June 13, 2026

وزیر داخلہ کے مطابق ملک میں اس وقت دو لاکھ سے زائد اسٹارٹ اپس فعال ہیں، جس کی بدولت بھارت دنیا کا تیسرا بڑا اسٹارٹ اپ ایکو سسٹم بن گیا ہے۔ انہوں نے کہا کہ یہ کامیابی اس بات کا ثبوت ہے کہ نوجوان اب نوکری حاصل کرنے کے بجائے خود کاروبار شروع کر کے دوسروں کو روزگار فراہم کر رہے ہیں۔امت شاہ نے اعداد و شمار پیش کرتے ہوئے بتایا کہ گزشتہ برسوں میں 6 کروڑ سے زیادہ نوجوانوں کو مختلف شعبوں میں ہنر مندی کی تربیت دی گئی، جس سے ان کی ملازمت حاصل کرنے اور کاروبار شروع کرنے کی صلاحیت میں اضافہ ہوا۔ اسی طرح 12 کروڑ سے زائد افراد کو مدرا یوجنا کے تحت بغیر ضمانت قرض فراہم کیے گئے، جس سے لاکھوں نوجوانوں اور چھوٹے کاروباری افراد کو اپنے خوابوں کو حقیقت میں بدلنے کا موقع ملا۔

انہوں نے کہا کہ آج بھارت صرف روایتی صنعتوں تک محدود نہیں رہا بلکہ خلائی ٹیکنالوجی (اسپیس ٹیک) جیسے جدید شعبوں میں بھی تیزی سے آگے بڑھ رہا ہے۔ ملک میں 300 سے زیادہ اسپیس اسٹارٹ اپس کام کر رہے ہیں، جو عالمی سطح پر بھارت کی بڑھتی ہوئی تکنیکی صلاحیتوں کا مظہر ہیں۔ تعلیم اور کھیل کے میدان میں ہونے والی پیش رفت کا ذکر کرتے ہوئے امت شاہ نے بتایا کہ ملک بھر میں آئی آئی ٹی، ایمس اور دیگر اعلیٰ تعلیمی اداروں سمیت 1,213 یونیورسٹیاں قائم ہیں۔ اس کے علاوہ نوجوانوں کی کھیلوں میں دلچسپی اور صلاحیتوں کو فروغ دینے کے لیے 1,045 “کھیلو انڈیا سینٹرز” اور 34 اسٹیٹ سینٹرز آف ایکسیلنس بھی قائم کیے گئے ہیں۔انہوں نے کہا کہ حکومت کی مختلف اسکیموں اور پالیسیوں کے نتیجے میں نوجوانوں کو تعلیم، تربیت، روزگار اور کاروبار کے بے شمار مواقع میسر آئے ہیں۔ یہی وجہ ہے کہ بھارت کا نوجوان آج خوداعتماد، باصلاحیت اور خود کفیل بن کر ملک کی معیشت کو نئی بلندیوں تک لے جانے میں اہم کردار ادا کر رہا ہے۔امت شاہ نے اپنے پیغام کے اختتام پر کہا کہ “یوا شکتی” یعنی نوجوانوں کی طاقت ہی بھارت کے روشن مستقبل کی بنیاد ہے اور مودی حکومت نوجوانوں کو بااختیار بنانے کے اپنے عزم پر مسلسل کام کرتی رہے گی۔

بھارت ایکسپریس ادرو