Amit Shah expresses grief over J&K landslide: وزیر داخلہ امت شاہ نے جموں و کشمیر میں زمین کھسکنے کے حادثے پر کیا اظہارِ افسوس، وزیر اعلیٰ عمر عبداللہ سے کی بات

مرکزی وزیر داخلہ امت شاہ نے جموں و کشمیر میں ماتا ویشنو دیوی یاترا کے راستے پر شدید بارش کے دوران مٹی کے تودے گرنے سے پیش آنے والے حادثے کو ’’انتہائی افسوسناک‘‘ قرار دیا ہے۔ انھوں نے وزیرِ اعلیٰ عمر عبداللہ اور لیفٹیننٹ گورنر منوج سنہا سے رابطہ کرکے امدادی اقدامات کی یقین دہانی کرائی۔

وزیر داخلہ امت شاہ نے کہا کہ ’’جموں و کشمیر میں ویشنو دیوی یاترا کے راستے پر شدید بارش کی وجہ سے مٹی کے تودے گرنے سے پیش آنے والا حادثہ انتہائی افسوسناک ہے۔ اس سلسلے میں میں نے جموں و کشمیر کے وزیر اعلیٰ جناب عمر عبداللہ اور لیفٹیننٹ گورنر جناب منوج سنہا سے بات کی۔ مقامی انتظامیہ زخمیوں کی مدد کے لیے راحت اور بچاؤ کے کاموں میں لگی ہوئی ہے اور این ڈی آر ایف کی ٹیم بھی وہاں پہنچ رہی ہے۔‘‘

لینڈسلائیڈ نے یاترا روکی، پانچ افراد ہلاک، چودہ زخمی

واضح رہے کہ شدید بارش کے نتیجے میں جموں و کشمیر کے ریاسی ضلع میں ماتا ویشنو دیوی کے قریب لینڈسلائیڈ ہوا، جس میں کم از کم پانچ زائرین جاں بحق اور چودہ دیگر زخمی ہوئے۔ مقام حادثہ پر ایمرجنسی ریسکیو آپریشن جاری ہے۔ یاترا کو عارضی طور پر معطل کر دیا گیا ہے۔ وہیں جموں میں مزید موسلا دھار بارش کی پیش گوئی کے پیشِ نظر ناگرا ہیلپ لائنز متحرک کر دی گئی ہیں اور تمام اضلاع میں کنٹرول روم 24/7 کام کر رہے ہیں تاکہ فوری امدادی کارروائی ممکن ہو سکے۔

بھارت ایکسپریس اردو