Amit Shah-Bhagwat Andaman Visit: وزیرداخلہ امت شاہ -موہن بھاگوت ساورکر کی 116ویں سالگرہ پر خصوصی تقریب میں ہوں گے شریک

مرکزی وزیر وزیر داخلہ امت شاہ اور آر ایس ایس کے سربراہ موہن بھاگوت جمعرات سے انڈمان و نکوبار کے دورے پر جائیں گے، جہاں وہ وینایک دامودر ساورکر کے مجسمے کی باقاعدہ نقاب کشائی کریں گے۔ ایک سینئر افسر نے بتایا کہ اہم دورے کے پیش نظر سیکورٹی بڑھا دی گئی ہے اور کچھ علاقوں میں ٹریفک پابندیاں بھی نافذ کی جا سکتی ہیں۔

سرسنگھ چالک کی حیثیت سے بھاگوت کا پہلا دورہ

موہن بھاگوت شری وجے پورم کے ڈولی گنج میں آر ایس ایس کے کارکنوں سے مختصر گفتگو بھی کر سکتے ہیں۔ یہ ان کا سرسنگھ چالک کی حیثیت سے پہلا دورہ ہوگا۔ بھاگوت نے تقربیاُ دو دہائیا ں قبل سرکاریواہ (جنرل سکریڑی)  کے طور  پر جزائر کا دورہ کیا تھا ۔ امت شاہ اس سے پہلے جنوری 2023 میں نیتاجی سبھاش چندر بوس کی 126ویں جینتی کے موقع پر انڈمان گئے تھے۔

ساورکر کے مجسمے کی نقاب کشائی کریں گے

افسر کے مطابق 12 دسمبر کی صبح تقریباً 9:30 بجے دونوں لیڈر جنوبی انڈمان کے بیودن آباد میں ساورکر کے مجسمے کا افتتاح کریں گے۔ اسی شام ڈاکٹر بی آر امبیڈکر ٹیکنالوجی انسٹی ٹیوٹ (DBRAIT) میں ساورکر پر مبنی ایک خصوصی گیت کا اجرا ہوگا۔

13 دسمبر کو موہن بھاگوت آئی ٹی ایف گراؤنڈ، شری وجے پورم میں ایک عوامی اجتماع سے خطاب کریں گے۔ 14 دسمبر کو وہ اس جزائر سے روانہ ہوں گے، جب کہ امت شاہ 12 دسمبر کی رات یا اگلی صبح واپس جا سکتے ہیں۔

ساورکر کی نظم کی 116 ویں سالگرہ

یہ پورا پروگرام مہاراشٹر کے ایک تجارتی گروپ کی جانب سے ساورکر کی مشہور نظم “ساغر پرانا تلملا” کی تخلیق کے 116 برس مکمل ہونے کے موقع پر منعقد کیا جا رہا ہے۔ یہ نظم انہوں نے 1909 میں لکھی تھی۔ ساورکر کو 1911 میں انگریزوں نے پورٹ بلیئر، یعنی موجودہ شری وجے پورم کی سیلولر جیل میں قید کر دیا تھا۔

بھارت ایکسپریس اردو