Akhilesh Yadav predicts about CM Yogi: مہاراشٹر انتخابات کے بعد یو گی آدتیہ ناتھ کو ہٹا دیا جائے گا، کجریوال کے بعد اکھلیش یادو نے کیا دعویٰ

دہلی کے سابق وزیر اعلی اور عام آدمی پارٹی کے کنوینر اروند کجریوال، جو لوک سبھا انتخابات 2024 کے دوران 21 دن کے لیے جیل سے باہر تھے،تبھی انہوں  نے دعویٰ کیا تھا کہ یوگی آدتیہ ناتھ کو انتخابات کے بعد وزیر اعلیٰ کے عہدے سے ہٹا دیا جائے گا۔ کجریوال کی طرح اب اتر پردیش کے سابق وزیر اعلیٰ اور سماج وادی پارٹی کے صدر اکھلیش یادو نے بھی ایسی ہی پیشین گوئی کی ہے۔ اکھلیش نے کہا ہے کہ مہاراشٹر کے انتخابات کے بعد سی ایم یوگی کو ہٹانے کا فیصلہ بی جے پی ہائی کمان لے گی۔

درحقیقت اسمبلی ضمنی انتخاب کے لیے کندرکی علاقے میں مہم چلانے آئے اکھلیش یادو نے کہا ہے کہ مہاراشٹر اسمبلی انتخابات کے نتائج کے اعلان کے بعد یوگی آدتیہ ناتھ سے وزیر اعلیٰ کا عہدہ چھین لیا جائے گا۔ اکھلیش نے کہا ہے کہ آج کل کانگریس کو صرف اپنی سیٹ بچانے کی فکر ہے، کیونکہ دہلی نے فیصلہ کر لیا ہے کہ مہاراشٹر کے انتخابات کے بعد ان کی (یوگی آدتیہ ناتھ)سیٹ نہیں بچ پائے گی۔سی ایم یوگی کو نشانہ بناتے ہوئے اکھلیش یادو نے کہا ہے کہ وہ (یوگی آدتیہ ناتھ) دہلی گئے تھے اور اپنے لیے کچھ بنوانا چاہتے تھے لیکن اپنے لیے کچھ نہیں بنا سکے، سب کچھ نگراں چلا رہے ہیں۔اکھلیش نے کہا ہے کہ حکومت کے سب سے بڑے پولیس افسر یعنی ڈی جی پی بھی کام کر رہے ہیں اور وہ بھی اسے مستقل نہیں کر پا رہے ہیں کیونکہ دہلی سوچ رہی ہے کہ انہیں (یوگی آدتیہ ناتھ)  کب کرسی سے ہٹایا جائے۔

ایس پی سپریمو اکھلیش یادو نے بڑا دعویٰ کیا کہ مہاراشٹر میں بی جے پی ہارے گی اور یوپی میں ان کی کرسی چھن جائے گی۔ ریاست کے سابق  وزیراعلیٰ نے کہا کہ وہ (سی ایم یوگی) اپنی کرسی تبھی کھو چکے ہوتے جب انہیں لگا کہ نزول کی زمین صرف مسلم بھائیوں کی زمین ہے،تب تمام ایم ایل اے جمع ہوئے  تھے اور کہا تھاکہ وہ کرسی چھین لیں گے۔ پھر انہوں  نے ڈر کر قانون واپس لے لیا۔یاد رہے کہ سی ایم یوگی آدتیہ ناتھ پی ڈی اے کو لے کر اکھلیش یادو پر حملہ کرتے نظر آئے ہیں۔ سی ایم یوگی کے بیان پر اکھلیش یادو نے اب پلٹ وار کرتے ہوئے کہا کہ ہمارے سی ایم کو انگریزی نہیں آتی، ہمیں ان سے پوچھنا چاہیے کہ پی ڈی اے میں ایچ کہاں سے آیا، دراصل پی ڈی اے کی وجہ سے انہیں پیٹ میں درد ہو رہا ہے۔

بھارت ایکسپریس۔