Pakistan Closes Airspace: ایئر انڈیا اور انڈیگو نے پاکستان کی جانب سے فضائی حدود کی بندش کے بعد مسافروں کو کیا خبردار، متبادل راستے اختیار کرنے کے سبب تبدیل ہو سکتا ہے پروازوں کا وقت

انڈیگو اور ایئر انڈیا نے مسافروں کو خبردار کیا ہے کہ پاکستان نے ہندوستانی ایئر لائنز کے لیے اپنی فضائی حدود بند کرنے کے ساتھ ان کی خدمات میں خلل ڈالا ہے۔ سوشل میڈیا پلیٹ فارم ’ایکس‘ پر پوسٹ کرتے ہوئے دونوں ایئر لائنز نے بتایا کہ پرواز کے راستوں میں تبدیلی کی وجہ سے کچھ بین الاقوامی پروازوں کے نظام الاوقات متاثر ہو سکتے ہیں۔

ایئر انڈیا نے کہا ہے کہ امریکہ، یورپ اور مشرق وسطی کی پروازیں پاکستان کے اس قدم کی وجہ سے متاثر ہو سکتی ہیں۔ دونوں ایئرلائنز نے کہا کہ انھیں مسافروں کو ہونے والی تکلیف پر افسوس ہے، لیکن یہ معاملہ ان کے اختیار میں نہیں ہے۔ انھوں نے مسافروں پر زور دیا کہ وہ ہوائی اڈے کے لیے روانگی سے قبل اپنی پرواز کا وقت دوبارہ ضرور چیک کریں۔

واضح رہے کہ ہندوستان کے سخت اقدامات کے بعد چند گھنٹے قبل پاکستان نے اپنی فضائی حدود تمام ہندوستانی ملکیتی ایئر لائنز کے لیے بند کر دی ہیں۔ اس کے شملہ معاہدے کو رد کر دیا ہے اور واگھا بارڈر بھی بند کر دیا ہے۔ اس سے قبل ہندوستان نے پاکستان کے خلاف سخت اقدام کرتے ہوئے سندھ جل معاہدے کی منسوخی کے علاوہ پاکستانیوں کے لیے ویزا بھی معطل کر دیا ہے۔ وہیں حکومت نے اسلام آباد میں موجود اپنے افسران کو بھی واپس بلانے کا اعلان کیا ہے۔

بھارت ایکسپریس اردو