Hathras Satsang Stampede: ہاتھرس حادثے کے بعد لاپتہ بابا کا مل گیا سراغ، مین پوری کے اس آشرم میں ہے موجود – ذرائع

Hathras Stampede: ساکار ہری بابا کا ستسنگ منگل کو اتر پردیش کے ہاتھرس ضلع کے سکندراراؤ شہر کے پھولرئی گاؤں میں جاری تھا۔ ستسنگ ختم ہونے کے بعد جیسے ہی ہجوم یہاں سے جانے لگا تو بھگدڑ مچ گئی۔ بھگدڑ میں اب تک 116 افراد ہلاک ہو چکے ہیں۔ زخمیوں کی تعداد زیادہ ہونے کی وجہ سے ہلاکتوں کی تعداد میں مزید اضافہ ہوسکتا ہے۔

ذرائع کی مانیں تو حادثے کے بعد جس بابا کا سراغ نہیں مل سکا وہ مین پوری پہنچ گیا ہے۔ ذرائع کے مطابق بابا نارائن ساکار وشواہری کے نام سے مشہور  مین پوری کے ایک آشرم میں موجود ہے۔ بابا مین پوری میں واقع رام کٹیر چیریٹیبل ٹرسٹ میں موجود ہے۔ تاہم ابھی تک کوئی سراغ نہیں مل سکا ہے۔ حادثے کے بعد سے بابا لاپتہ ہے اور پولیس مسلسل تلاش کر رہی ہے۔

116 افراد ہلاک – چیف سیکرٹری

مین پوری کے ڈی ایس پی سنیل کمار سنگھ نے کہا کہ بابا ہمیں احاطے کے اندر نہیں ملا، وہ یہاں نہیں ہے۔ وہیں یوپی کے چیف سکریٹری منوج کمار سنگھ نے بتایا کہ اس حادثے میں اب تک 116 لوگوں کی موت ہو چکی ہے۔ ان میں سات بچے اور ایک مرد شامل ہے۔ باقی خواتین ہیں۔ 72 افراد کی شناخت ہوئی ہے۔ علاج معالجے کے انتظامات کیے جا رہے ہیں۔ مرنے والوں کے لواحقین کو 2 لاکھ روپے اور زخمیوں کو 50 ہزار روپے کی امداد دی گئی ہے۔

یہ بھی پڑھیں- At least 116 dead, several injured: ہاتھرس میں موت کا ستسنگ،بابا کے قدموں کے دھول کیلئے مچی بھگدڑ میں 116 افراد ہلاک،زخمیوں کی تعداد بھی 100 سے زائد

چیف سیکرٹری نے کہا کہ پروگرام کے چیف سیوادار نے 80 ہزار لوگوں کی اجازت لی تھی۔ لیکن وہاں 80 ہزار سے زیادہ لوگ جمع تھے۔ پروگرام ختم ہونے کے بعد وہ بابا کے پاؤں چھونے جا رہے تھے۔ اس دوران یہ حادثہ پیش آیا۔ اس کا معائنہ کیا جائے گا۔ مجرموں کو بخشا نہیں جائے گا۔ بھولے بابا کے خلاف بھی سخت کارروائی کی جائے گی۔ اس معاملے میں منتظمین کے خلاف مقدمہ درج کرنے کے احکامات دیے گئے ہیں۔

انہوں نے کہا کہ پوسٹ مارٹم کے بعد لاشوں کو ان کے گھروں تک پہنچانا انتظامیہ کی ذمہ داری ہوگی۔ زخمیوں کا مناسب علاج کیا جائے گا۔ پولیس کے ڈائریکٹر جنرل پرشانت کمار نے کہا کہ چیف سکریٹری نے حکومت کی ہدایات سے آگاہ کر دیا ہے۔ معاملے میں ایف آئی آر درج کی جا رہی ہے۔ تمام ذمہ داروں کے خلاف کارروائی کی جائے گی۔ اس معاملے کی تحقیقات ڈویژنل کمشنر اور اے ڈی جی زون کر رہے ہیں۔ 24 گھنٹے میں رپورٹ دی جائے گی۔

-بھارت ایکسپریس