Adani Power signs power supply agreement with BSPGCL for Pirpainti plant: اڈانی پاور نے بی ایس پی جی سی ایل کے ساتھ پیرپینتی پلانٹ کے لیے پاور سپلائی ایگریمنٹ پر کیے دستخط

نئی دہلی: اڈانی پاور لمیٹڈ (اے پی ایل) کی جانب سے ہفتہ کو دی گئی اطلاع کے مطابق، اے پی ایل نے بہار اسٹیٹ پاور جنریشن کمپنی لمیٹڈ (بی ایس پی جی سی ایل) کے ساتھ ریاست کو 2,400 میگاواٹ بجلی کی سپلائی کے لیے 25 سالہ پاور سپلائی ایگریمنٹ پر دستخط کیے ہیں۔ اس ایگریمنٹ کے تحت، بھارت کی سب سے بڑی پرائیویٹ سیکٹر تھرمل پاور جنریٹر کمپنی بہار کے بھاگلپور ضلع کے پیرپینتی میں قائم کیے جانے والے مجوزہ گرین فیلڈ الٹرا سپر کریٹیکل پلانٹ سے بجلی سپلائی کرے گی۔

یہ پیش رفت گزشتہ ماہ اگست میں اے پی ایل کو بی ایس پی جی سی ایل سے نارتھ بہار پاور ڈسٹری بیوشن کمپنی لمیٹڈ (این بی پی ڈی سی ایل) اور ساؤتھ بہار پاور ڈسٹری بیوشن کمپنی لمیٹڈ (ایس بی پی ڈی سی ایل) کی جانب سے دیے گئے لیٹر آف اوارڈ کے بعد ہوئی ہے۔

اڈانی پاور نے 6.075 روپے فی کلو واٹ گھنٹہ کی کم از کم سپلائی ریٹ کی پیشکش کر کے یہ پروجیکٹ حاصل کیا۔ اے پی ایل نے بتایا، ’’کمپنی ڈیزائن، بلڈ، فنانس، اون اینڈ آپریٹ (ڈی بی ایف او او) ماڈل کے تحت نئے پلانٹ (800 میگاواٹ × 3) اور اس کے معاون ڈھانچے کی تعمیر پر تقریباً 3 ارب ڈالر کی سرمایہ کاری کرنے کی منصوبہ بندی کر رہی ہے۔‘‘

بھارت سرکار کی شکتی پالیسی کے تحت اس پاور پلانٹ کے لیے کوئلہ لنکیج الاٹ کیا گیا ہے۔ یہ پروجیکٹ تعمیراتی مرحلے کے دوران تقریباً 10,000 سے 12,000 بالواسطہ اور بلا واسطہ روزگار پیدا کرے گا اور شروع ہونے کے بعد 3,000 افراد کو ملازمت ملے گی۔ اے پی ایل کا ہدف 60 مہینوں میں اس پلانٹ کو شروع کرنا ہے۔

اس سے پہلے بھارت میں تھرمل پاور ٹینڈر میں گرین شو آپشن کو اپنانے کے ساتھ اے پی ایل کو ایم پی پاور مینجمنٹ کمپنی لمیٹڈ (ایم پی پی ایم سی ایل) سے کُل 1,600 میگاواٹ صلاحیت کے لیے لیٹر آف اوارڈ (ایل او اے) مل چکا ہے۔ اے پی ایل کو ایم پی پی ایم سی ایل سے گرین شو آپشن کے تحت 800 میگاواٹ اضافی صلاحیت کے لیے بھی ایل او اے ملا ہے۔

مدھیہ پردیش کے انوپ پور ضلع میں واقع 800-800 میگاواٹ کی دونوں یونٹ مقررہ تاریخ سے 60 مہینوں کے اندر شروع ہو جائیں گی۔ کمپنی پلانٹ اور اس کے معاون ڈھانچے کو سیٹ اپ کرنے کے لیے تقریباً 21,000 کروڑ روپے کی سرمایہ کاری کرے گی۔ اس پروجیکٹ سے بھی روزگار کے نئے مواقع پیدا ہوں گے۔

کمپنی کے مطابق، اس پروجیکٹ سے تعمیراتی مرحلے کے دوران 9,000-10,000 افراد کو بالواسطہ اور بلا واسطہ طور پر روزگار ملنے کی امید ہے اور تعمیراتی مرحلہ مکمل ہونے کے بعد 2,000 افراد کو روزگار ملے گا۔

بھارت ایکسپریس۔